日前張敬軒受邀到韓國出席「Samsung Galaxy Unpacked發佈會」，成為首位參加發佈會的香港藝人，同場還有韓國男子天團BTS Suga、人氣女團IVE成員張員瑛及美國新一代性感女神Sydney Sweeney。
【新聞有價 記者有格 立即訂閱：https://bit.ly/3wGQh7c】
出席完發佈會後，軒仔回到酒店馬上開IG Live，除了立即開箱、分享發佈會上的新產品及所見所聞、更與fans玩遊戲送禮物。軒仔表示作為首位被邀請「Samsung Galaxy Unpacked發佈會」的香港藝人，自己每年都十分期待Samsung推出的創新科技及革新大家對智能裝置的認知和使用習慣，「今晚嘅發佈會好正，人生第一次睇數碼產品首發，係全世界矚目，親身感受Samsung一系列新產品，好正。現場見到有真韓星啦、外國artist同埋BTS嘅SUGA，我覺得佢係超勁嘅rapper，好有talent嘅人，今晚見到真人。」
軒仔坦言這是他人生第一次來到韓國首爾，他謂走到街上，很多俊男美女，無論男女都很會打扮，「我覺得學到好多嘢呢幾日喺呢度。」有fans「叮囑」他落機後一定要拍攝「人生四格」相片，「我哋成班同事一齊影相，我好似係第一次同佢哋影呢啲，不過我都趁機影咗一啲好嘔心嘅單人相，哈哈。仲有香蕉奶，佢哋介紹我飲，其實都幾好飲。為咗多謝今晚入嚟睇live嘅朋友，我會送出喺首爾影嘅呢啲好自戀、嘔心到飛起，我自己單人嘅相送俾大家，會簽埋名。」
隨後軒仔便呼籲fans phone in玩遊戲，當晚phone in幾乎清一色女fans來電，不過當中有一位年僅十三歲來自澳門的男fans，他表示軒仔一開live便立即按進來收看，軒仔問他最喜歡聽他哪首歌，少男謂《櫻花樹下》及翻唱的《黃色大門》，問到少男想要他的簽名相、奇異果還是薯片，少男笑說如果要了他的相，同學會問：「點解你會鍾意40幾歲嘅男歌手。」軒仔聽罷笑謂：「我真係好後悔嗌咗你入嚟。」最後少男表示當然要簽名相，收線前更識做地為電話品牌賣廣告，軒仔大讚他叻仔，十分識做。收線後，軒仔計算，「佢十三歲，即係2010年出世，喂！10後呀！好！10後都睇我嘅IG Live，我今晚又成就解鎖。俾佢激到我有少少爆血管嘅感覺，飲啖水先。豈有此理，我哋呢啲四十幾歲！好嬲呀。」十分搞笑。
