組合MIRROR成員陳卓賢（Ian）於《2024年叱咤樂壇流行榜頒獎典禮》連奪3大獎項，他在台上公開感謝張敬軒，又憶述張敬軒兩年前獲得男歌手金獎後，把獎座借給他放在家中作鼓勵。軒仔發文解釋事件始末，指當時感受到Ian有種對前路茫然的感覺，不忍心他浪費自己的青春和時間。
陳卓賢於前晚（1 日）於《2024年度叱咤樂壇流行榜頒獎典禮》上連奪「叱咤樂壇唱作人」金獎、「叱咤樂壇男歌手」金獎及「叱咤樂壇至尊唱片大獎」。Ian在台上發表我得獎感言時，憶述兩年前張敬軒（軒仔）獲得男歌手金獎後，「佢畀咗個男歌手金獎畀我，話『你擺喺屋企，我相信你有一日會攞到』」，讓陳卓賢自己獲得金獎後再歸還獎座給他。他向張敬軒稱「我今晚就會攞返畀你」，表示感謝對方。
張敬軒事後於社交網發文，透露他兩年前的紅館演唱會找來姜濤、陳卓賢及柳應廷擔任表演嘉賓，那時的Ian不苛言笑，又不太與人說話，張敬軒說：「（Ian）畀我一種處於焦慮同埋憂鬱嘅感覺，佢嚟彩排嘅時候嘅狀態，再加上演唱會之後佢搵我幫佢監製一隻歌，我哋慢慢熟絡咗。我喺佢身上睇到咗05至07年嗰個階段嘅我，經常散發出一種對前路茫然嘅感覺。我覺得佢哋12個仔個個都叻，各有各叻，但係畢竟每個人嘅際遇都唔同，要面對同解決自己原生家庭所帶來嘅困難亦都唔同，嗰段時間會經常見面嘅就係得Ian。我覺得做我哋呢行成名要趁早，睇見佢日日咁樣吽吽兜兜，係唔忍心佢浪費自己嘅青春同埋時間。」
軒仔續指古人有云「授人以魚不如授人以漁」，他謂：「與其寫隻歌畀佢請佢做個演唱會嘉賓，不如教佢點樣重新打返開自己，調整自己嘅能量，學識自己為自己嘅夢想同目標而努力。於是我有一晚抽起條筋，我話『陳卓賢你喺邊？我攞樣嘢畀你。』於是我的咗個嗰年嘅男歌手金獎獎座畀佢，我同佢講『好老黎㗎！你擺佢喺你寫歌嘅嗰張枱嘅枱頭望下望下就有㗎啦！你要鞭策你自己，學我老闆話齋， 做人要爭氣！要為自己爭氣！』於是條友攞返屋企，擺咗喺抬頭，影咗張相畀我，就係咁。」
