張敬軒（軒仔）日前於澳洲悉尼及墨爾本連開兩場《THE NEXT 20張敬軒巡迴演唱會》，首次到當地開個人演唱會，引來過萬Fans遠道而來，兩日均全場爆滿。張敬軒在台上表示，多謝每一個朋友「參觀」張敬軒私朋友，又被Fans大「調戲」，引來全場大笑。其中一幕有女歌迷大叫張敬軒除衫、除褲，被他拒絕笑指「除褲唔係呢個價」，笑說下次開孖煙通演唱會。他亦不忘發揮搞笑本色，自嘲年齡道：「我好命啲可能做到你老竇」，反問台下歌迷「你哋咁樣調戲我真係好咩」，最後更話接受「調戲」，落台與一眾Fans握手，邊唱《櫻花樹下》、《餘震》等經典，邊行百級樓梯與觀眾作近距離接觸。
【新聞有價 記者有格 立即訂閱：https://bit.ly/3wGQh7c】
連同今次兩場show，張敬軒在不足三年間開了59場演唱會。一向出名感性的他在演唱會上向Fans回顧起過去三年的疫情，由最初「以為冇事嘅」，到後來愈來愈多封控，到最後更是不能外出，就連演唱會日程都受影響，張敬軒多謝歌迷仍然大力支持：「好多謝大家，我會盡我最大嘅努力，將每一首喺我過去呢二十年音樂生涯當中嘅作品，去同大家分享，再一次多謝今晚每一個朋友遠道嚟『參觀』張敬軒」。他亦分享起自己初入行時的種種，例如首次見到自己出現在卡拉OK中，直言好有成就感，而直至近年有不少人翻唱張敬軒的歌，他表示「見到自己個名但張相唔係我」，感覺好特別。
而在墨爾本場，Fans更是大演「調戲」軒仔戲碼，連張敬軒的毛巾也不放過。張敬軒又好笑又無奈地指：「我冇叫人入嚟我酒店房執房，我仲有好多你要唔要呀？」隨後有女歌迷大叫他除褲，張敬軒笑說要開個「張敬軒孖煙通演唱會」，頓時全場尖叫聲不斷，歌迷起哄表示贊成，令他沒好氣，笑指「依加啲女仔真係好鬼猴摛！」
場內場外歌迷同樣熱情，墨爾本站一場結束後，過百歌迷隨即在場外守候張敬軒。不過，澳洲日夜溫差極大，晚上只得八度，張敬軒仍冒住低溫到場外見守候多時的Fans一面，十分暖心。
