張敬軒於昨晚（6日）起程飛往英國倫敦，為於Royal Albert Hall一連三場的《The Prime Classics Hins Live in London 張敬軒倫敦演唱會》「備戰」，三場演唱會門票於開賣後秒速售罄。除了人人都爭睇LIVE，軒公去年的《The Next 20 Hins Live Hong Kong張敬軒演唱會》DVD及CD亦都大賣，連續6週佔據香港唱片商會「每週十張好碟」榜首位置。
軒公為紀念入行二十週年，於2021年至2022年間於紅館舉行二十六場《The Next 20 Hins Live Hong Kong張敬軒演唱會》，其DVD及CD亦於今年一月推出，專輯推出首週後旋即登上香港唱片商會「每週十張好碟」首位，隨後更連續五週佔據榜首位置，走勢凌厲。軒公對此表示十分感謝，未料到大家會真金白銀買飛睇騷外，竟然還買碟支持，「真係好多謝大家、好感恩。特別係呢演唱會，係記念自己入行二十年，好多自己嘅想法擺入去，加上舉行期間，大家都經歷一段比較艱難嘅時間，所以都係同大家、同自己打氣嘅一個演唱會。」
另外，軒公完成三月的倫敦演唱會後，隨後七月又會到美國拉斯維加斯、Reno、紐約進行三場巡演，與世界各地的樂迷見面。
