由英皇娛樂主辦《Revisit張敬軒演唱會 》, 將於12月20至1月2日於灣仔會議展覽中心舉行十場跨年演唱會， 繼上年聖誕20週年演唱會和歌迷一齊過之後，今次軒公準備再做一個大總結。配合主題，演唱會海報於飛機上拍攝，三年沒有上過機，無論軒公及工作人員上到機都非常開心及懷念。
【新聞有價 記者有格 立即訂閱：https://bit.ly/3wGQh7c】
是次演唱會以三面台設計，軒公也說很久沒有做過三面台，故感覺非常新鮮，「今次我地都好大制作，好重本。首先係音響方面，另外視覺上都會好靚，聖誕新年是開心日子，所以成個騷不會似上一次咁heavy，會歡樂好多。另外都一定唔會剩係唱 Side Track，雖然好多歌迷話好多 Side Track想聽，但係今次係重遊20週年的歌，所以經典的好聽的都會唱。」
軒公又說上到飛機有點陌生感覺，不過他亦真的非常期待可以飛，所以一做完騷就會馬上飛去旅行。不過，他又覺得過去三年不能飛也不是很可惜，因為大家花多好多時間游歷香港這個地方，「呢三年大家睇多左香港本身好多靚風景。而且疫情都教會咗我地好多嘢，人同人之間相處回憶變得好珍貴。」
