張學友正在馬來西亞舉行演唱會，昨晚（13日）舉行第3場時，張學友突然暈倒台上，他半坐在地上約兩秒才再站起繼續唱。學友其後解釋自小就有耳水不平衡，還笑說：「耳水不平衡係可以開演唱會。」
【新聞有價 記者有格 立即訂閱：https://bit.ly/3wGQh7c】
張學友正在馬來西亞舉行《張學友60+巡迴演唱會》，昨晚（13日）第3場演出，學友演唱《只想一生跟你走》，從斜台往下走時，突然腳步一浮，學友往左邊跌下，雙腳一屈隨即半坐在地上，他大約兩秒後回過神來，未及再站起身便想繼續唱，有工作人員從後台正想跑過來，此時學友已再站起來並繼續唱，台下觀眾為他歡呼打氣。
其實學友前1晚演出第2場時，已因為耳水不平衡而延遲了8分鐘開騷，傳媒指這是他25次巡迴演出以來，首次遲開騷。學友其後透露，因開場前半小時感到頭暈，叮囑粉絲不要擔心，想不到第3場突然在台上暈倒。
學友在台上向觀眾解釋：「昨日是演唱會前發作，從來無試過喺演唱會發作，而家頭暈，天旋地轉，暈陀陀。」學友繼續說：「係咁樣嘅，耳水不平衡對聲音無乜影響，但係感冒就反而開唔到演唱會，耳水不平衡係可以開到演唱會，只係冇辧法咁落力，好認真咁跳舞，雖然話係演唱會，唔係演舞會，但係跳舞都係表演嘅一部份，好多時要瞇住眼至冇乜暈，沒辦法望住你哋，睇唔到你哋我又唔開心囉，你哋一直見到我瞇埋眼，心裡面都唔舒服啦。演唱會係60+呀 ，60+大家就唔準備睇我跳好多舞啦，我又唔係郭富城。」
學友又表示，開騷前一度想取消演出：「我7點同主辦講，不如同外面宣佈我好暈，演唱會取消啦，佢哋話而家講冇用，大家都嚟咗。到咗8點我繼續問，佢哋話而家至話唔做？所以我就出咗嚟，唱到而家。」
