MC張天賦（MC）在完成首次紅館演唱會及第二張個人大碟《This is MC》總結過去兩年的成績後，最近推出另一新歌《花海》，展開全新音樂計劃。新歌講一位男生邂逅一名女子後，對她念念不忘，並漸漸墮入迷戀她的一個「花海」，不能自拔。
今次MV找來張蔓姿（Gigi）做導演，更首次嘗試以手機拍攝MV片段，亦是二人第二次合作拍MV。
【新聞有價 記者有格 立即訂閱：https://bit.ly/3wGQh7c】
MC 指新歌很適合之前同由Gigi執導的《Loser》MV風格，所以邀請她再度合作。講到最喜歡MV哪部分，上年開始多了跳舞的 MC 自言最鍾意在房內跳舞的內容。「因為拍到有啲眼瞓，所以呢個環節的確令我醒一醒！我都好鍾意燈光嘅運用同場景設計。」
MV中MC 被電視機裏面的女子迷住，問到有否試過迷戀一個角色或者偶像？MC回憶話：「我好記得青春期時候睇過一套電影叫 《Yes Man》（乜都得先生），入面個女主角雖然不算有太多我喜愛的元素，但當時睇完套戲之後，確實因為女主角而翻煲好多次，所以我都稱得上曾經有段時間迷過佢嘅！」這位女主角便是Zooey Deschanel！
問MC歌曲內容同他愛情觀相似嗎？有否一個類似女生出現？MC認真思考後表示：「目前嚟講應該係未有，可能唱嘅時候憑空想像一個，不過的而且確我都覺得同我嘅愛情觀都幾似嘅⋯⋯唔加以解釋！哈哈！」
