廖子妤早前自爆過去兩年健康狀況非常差，她出席新春聚會，表示今年目標考車牌及學裁縫，希望可以令心情平靜。
廖子妤（Fish）、余香凝（Jennifer）等藝人出席經理人公司新春活動，兩人表示去年十分充實！Jennifer憑電影《白日之下》榮肩《第42屆香港電影金像獎》最佳女主角。得到的認同也成為她的動力，嘗試演出劇集《麻甩媽咪》：「展現大家未見過嘅我畀大家睇，希望大家喜歡；而今年我又試咗去台灣拍戲，各方面都好滿意。」她希望自己在蛇年可以有多些突破，兼顧家庭同工作外，還可以搵到自己的時間做自己鍾意的事，好好對待自己。
Fish自感過去一年身心出現些狀況，她希望蛇年可以好好調整：「今年我希望可以考車、學裁縫，馬來西亞16、17歲有車牌，不過我冇考，我係唯一一個返學要同學車埋嘅人，到而家我都要媽咪車，所以我今年目標係考車牌；想學裁縫，本身對改造衫有興趣，希望透過呢個興趣令心情平靜。」
而蔡明思（Jessica）日前順利誕第二胎，不過她表示其實今胎比上胎陀得辛苦：「見到自己身體變化，可能好肥，今胎我成日都好肚餓，好驚自己再食落去，一發不可收拾；第一胎，冇經驗，事事覺得新奇，但陀第二胎，要湊住大女，好吃力。」Jessica指坐月後將全面復出。提到好姊妹陳穎欣將結婚，她開心之餘還自薦做婚禮姊妹，Jessica又表示不會傳授夫妻之道，指每個人都有他們自己相處之道。
場地提供：九龍香格里拉（香宮）
