岑珈其和梁詠琪（Gigi）今日均傳來喜訊，兩人參與演出的ViuTV劇集《IT狗》和《反起跑線聯盟》齊齊入選今屆韓國釜山國際電影節。珈其憑《IT狗》中飾演Kenneth Sir一角，入圍提名「亞洲內容大獎」的「最佳男配角」，而Gigi在《反起跑線聯盟》中飾演由女強人變全職媽媽的Nora，同樣在「亞洲內容大獎」角逐「最佳女主角」。
【新聞有價 記者有格 立即訂閱：https://bit.ly/3wGQh7c】
不過，珈其角逐的「最佳男配角」對手非常強勁，包括掀起全球追劇熱潮《魷魚遊戲》的朴海秀、《Tracer》的朴埇佑、《Hurts like hell》Vithaya Pansringarm及《八角亭謎霧》祖鋒，珈其獲悉入圍候「最佳男配角」五強表示：「好感謝韓國釜山國際電影節的入圍提名，得到評審團的肯定和支持，已經好開心好感恩！」
珈其又謂，今次提名絕對是一個超級大鼓勵，得到這張成績表會好好珍惜，會繼續努力做好日後每一個作品，「同埋真心要好多謝《IT狗》簡君晉導演，比今次呢個機會我參演到Kenneth Sir呢個角色，最後一定要多謝喜歡同支持我嘅每一位朋友吖！」
首次參與電視劇演出的Gigi獲得提名「最佳女主角」，令她感到很大驚喜：「非常感恩可以同好多出色嘅演員一齊入圍，我覺得好榮幸。第一次拍劇知道自己有好多不足嘅地方，我仍然會謙虛地繼續努力。」她又感謝導演和台前幕後工作人員。Gigi說：「最開心係呢個劇喺提早暑假嘅期間，帶咗好多歡樂畀家長同小朋友，同時好戥導演同工作人員開心。」
另外，《反起跑線聯盟》更與Netflix的劇集《非常律師》、《新聞記者》一同競逐「最佳故事」獎項，身為劇集導演編劇的劉偉恒感到興奮，並會親赴當地出席頒獎禮，他說：「我執導嘅第一步短片《Mr. Right》喺2007年曾入選釜山影展；15年後，就帶咗我嘅電視劇到釜山競逐獎項，感覺係特別興奮！多謝及恭喜各位，能夠入圍競逐已經心滿意足，釜山見！」
而凌文龍（小龍）亦有份提名新晉男演員，他更獲評審委員肯定演技，認為他是值得留意的新星，並在頒獎禮舉行前率先確定獲頒最佳新星大獎（Best Rising Star），下周將遠赴釜山現場親身領獎。
小龍得知入圍消息後表示非常驚喜：「冇諗過第一次演出電視劇就有機會提名國際獎項，《IT狗》喺香港嚟講係比較創新嘅題材同類型，希望可以畀其他國家睇到香港電視界嘅新視野。依家好多亞洲電視劇質素都好高，今次去唔敢奢望得獎，希望同其他地區嘅影視人交流下，有機會都想欣賞下佢哋嘅作品。」
