岑珈其昨晚擔任《未來音樂選TONE Music Awards 2022》司儀，珈其稱雖然自己喜歡唱歌，但沒打算再入樂壇做歌手。問到《膠戰》是否會開拍第三季？珈其指自己都好想，希望會有人，所有都未落實，所以不可以開空頭支票，「我相信我哋6膠，甚至乎Viu佢哋都好想，我諗都係時間問題，希望不久將來好快有《膠戰SS3》同大家見面。」
【新聞有價 記者有格 立即訂閱：https://bit.ly/3wGQh7c】
講到珈其在《膠戰SSP》的「C位」燈箱日前登陸尖沙嘴巴士站後，吸引不少「膠迷」往打卡，珈其稱自己都好想去，但自韓國返港後一直工作未有時間，他受訪時未知打卡燈箱已結束，還表示會找機會帶老婆囝囝去打卡。之後，談及MIRROR休團兩個月後，Edan日前在IG發長文講感受，珈其說：「一直都有關心佢哋，因同每一個都好好朋友，我覺得大家需要畀多啲空間同時間佢哋，我估佢哋準備好再出嚟，之後會越做越好嘅。」
另外，「小薯茄」的麗英和男團FINALLY以全黑Look出席頒獎禮，四子講笑黑色打扮是襯托其他音樂人，但不是來襯托麗英，麗英即言：「冇嘢嘅，我係用嘴巴唱歌，佢哋係用嘴巴說話，好唔一樣，佢哋明星，我未去到呢個級數。」四子又稱，今次參加音樂頒獎禮主要想認識更多音樂人，為FINALLY找資源合作出歌，程人富笑言：「唯一可以同麗英破冰，就係麗英作首歌畀我哋嘞！」
昨晚頒奬禮另一位嘉賓湯令山（Gareth.T），將於11月在Star Hall開首個演唱會，日前優先訂票亦告爆滿，他說很開心大家踴躍支持，但自己則沒有想太多，只專注在準備工作，現在開3場已經滿足，怕再加場體力會應付不來。
