啟德體育園今日正式開幕！容祖兒、李幸倪（Gin Lee）等歌手晚上現身開幕典禮，兩人異口同聲表示感到非常興奮，更直言想於香港這個新地標開騷。
容祖兒於開幕禮上獻唱《越唱越強》打影響頭炮，她表示感到很榮幸及興奮：「可以喺舞台上面望住呢個Stadium（體育館），感覺好新鮮。場地好大，就咁行都真係幾索氣㗎。音效都好好，都有特登重新編曲同排舞。」問到會否想在啟德體育園開騷，祖兒說：「一定會想，都一定好玩，同埋喺呢啲戶外嘅場館，睇就睇得多，所以期待自己可以喺呢度有一個屬於自己嘅演唱會。」
Gin Lee亦對於能在香港新地標表演，心情非常興奮及期待：「直到升降台升出嚟見到全場坐滿咗咁多觀眾，原來都係會有啲緊張，但係好快就返番去好享受呢個舞台。因為今日只係唱一首歌，所以我都要好好把握每一分每一秒喺呢個台上面嘅感受。」她續謂好開心可以同大家第一時間去感受這個場館：「我覺得呢個場館好震撼！亦都好大！」Gin Lee指見到有這麼多觀眾，感覺是：「嘩！好震撼。」她同樣非常希望自己都有機會在這裏開騷：「如果喺呢度開騷，我已經有好多諗法，呢個場咁大、咁好嘅一個地方，有好多嘅發揮嘅空間，例如可以設計一啲特別效果嘅舞台，希望有機會可以喺呢度開騷啦！」
