孫慧雪出席節目首播飯局時，透露家中的外籍傭工突然消失，後來從警察得知外傭涉嫌「洗黑錢」，涉款數百萬元被警方通緝。她指今次事件後自己會主力湊一對兒子，外傭則是輔助角色。
陳淽菁、孫慧雪、簡淑兒、蘇韻姿、敖嘉年 、七仙羽等，昨晚於尖沙嘴出席HOYTV新節目《他鄉的煮人》首映宴，陳淽菁負責任主持及為節目聲音導航。
曾多次遇上「極品外傭」的孫慧雪接受訪問時透露再成為「姐姐剋星」，她透露聘請的外傭突然「消失」，她說：「佢執晒嘢突然唔見咗，嗰時我好擔心，因為佢同我講有咗BB。後來我收到警察電話，話佢『洗黑錢』超過過百萬。警察同我講總之有佢消息同警察聯絡，因為已經通緝緊佢。（上門追數？）會有啲信但未去到上門追數嗰一步。因為入境處有證明佢已經唔喺度做，我哋影番畀財務公司話呢個人唔喺度，佢哋就冇再追我哋。」她續指另一名外傭續約兩、三個月後，指因認識有錢人而回國結婚。
問到可有嚇怕不敢再請外傭，孫慧雪直言對外傭又愛又恨：「有佢哋幫手我就有多啲時間，始終我要做嘢，又唔想屋企老人家辛苦，所以都想請姐姐幫忙。」她謂這段時間覺得自己照顧兩名兒子會好些：「我依家都調較緊角色，姐姐係輔助角色，自己為主去湊，唔好太過依賴姐姐。」
