MIRROR四子姜濤、陳卓賢（Ian）、呂爵安（Edan）及邱士縉（Stanley），與ERROR的郭嘉駿（193）及梁業（肥仔）合演的ViuTV原創劇《季前賽》，前晚首播，未播出前已成為全城熱話，加上MIRROR因紅館墮屏事故休團兩個月，一眾「鏡粉」（fans暱稱）早已急不及引頸以待；而首集播出後，不少觀眾及網民皆讚劇集節奏快、打波情節逼真，加上有張繼聰飾演的「喪波」搞笑演出，外界反應相當不俗，消息指首集播出平均直播收視高開有6點，成績十分之理想。
【新聞有價 記者有格 立即訂閱：https://bit.ly/3wGQh7c】
昨晚第二集，飾演「高家孝」的姜濤，因被張繼聰臨時叫上場，與Edan飾的「關浩德」及Stanley飾的「張智良」，在街場力挫瀚林大學，消息在網上瘋傳後，身為瀚林大學隊主將、Ian飾的「卓立鋒」誓要報仇，結果令昔日好友阿孝和阿鋒在球場對賽，姜濤和Ian亦終於在鏡頭前晒出真球技。
此外，Edan和張繼聰昨晚繼續放笑彈，先是Edan向家姐聲稱去打波是為替自家運動品牌宣傳，更因此穿上護膝、護臂，甚至護陰罩落場，還叫Stanley幫他影相拍片，Edan在鏡頭前狂搖下身跳舞，動作不文但惹笑。及後劇情指姜濤、Edan及Stanley對戰瀚林大學時戰敗，張繼聰稱不能被對方不斷「追住嚟打」，還搞笑比喻說：「今日割五城，聽日割十城，後日冇埋柳應廷。」Edan和Stanley聞言反問：「邊個係柳應廷？」喜感十足。
事後Edan在IG貼相，指出這段戲原來又是臨場改對白，他謂：「而我不知道柳應廷是誰。劇本本身好似係郭富城，即場撞吓就變咗柳應廷，然後我同Stanley就加咗哩句，好好玩。」他更tag了柳應廷（Jer）及貼了一張搞笑砌圖，而Jer首先貼了一個反眼emoji，然後再留言回覆：「表示要收show錢。」結果吸引逾8000個like及還有過200個留言，網民反應相當熱烈。
