MIRROR成員姜濤、呂爵安（Edan）、陳卓賢（Ian）、邱士縉（Stanley），加上ERROR兩位成員梁業（肥仔）及郭嘉駿（193）擔當演出的ViuTV重頭劇《季前賽》昨晚首播，四子相繼登場，亦隨着劇情逐一介紹每位人物性格。
【新聞有價 記者有格 立即訂閱：https://bit.ly/3wGQh7c】
故事由飾演高家孝的姜濤和租客兼老友的豬潤（肥仔梁業飾）在快餐店打工開始，姜濤在送外賣期間，在球場重遇舊戰友Ian，令他憶起當年學界決賽，在關鍵時刻犯規成了輸波罪人。
仍熱愛打波的姜濤，最後在球場巧遇「喪波」張繼聰，被對方挑機一對一比試。導演袁劍偉曾言，堅持每個入波都要一氣呵成不造假、不剪接，所以，姜濤和阿聰呈現在觀眾的眼前的畫面都是真身手、真球技，但亦因此拍攝時間長短，與各人能否成功入球有很大關係。
Edan在劇飾演德少，畢業後無心工作，靠父蔭享受二世祖生活，Edan演戲一向有喜感又零偶包，將德少這個富二代角色演飾得生鬼又搞笑。首集播畢後，Edan在IG分享了多張劇照及自我介紹，「大家好，我係德少（DUCK少）😎上天係公平㗎，我生得咁聰明咁靚仔，就要我一世做「二世祖」😖唉，大家都明㗎啦，做人兒子真係甚艱難🥹好彩，我擁有世界上最強嘅武器：DADDYPAY💵掂啦，睇落去啦，冇嘢我搞唔掂，啾咪」
Edan更自爆有為劇情加入自己創作，其中一場和珈其度高，以及指阿聰着橙色衫以乞丐都是Edan「自加」創作。而「喪波」阿聰亦在IG分享感受「#季前賽 睇完第一集，正喎😎🤘🏼係咪先？😏#痴漢籃球隊」珈其就留言讚阿聰「其實你着橙色真係好睇👍🏼❤️」
除了四子、張繼聰和肥仔的演出受關注，首播出現的兩位童星，飾演與姜濤相依為命的細佬「老闆仔」黃梓樂，以及Stanley女兒阿Bean的晴晴都十分搶Fo，人仔細細的老闆仔表現精靈，劇中反要照顧哥哥姜濤，非常可愛。而晴晴劇集拍攝時，更引起姜濤和Stanlely爭風呷醋，最搞笑是當時晴晴將姜濤認錯是 Anson Lo，令姜濤在 193面前失威。
至於《季前賽》開播前半小時，一眾演員和袁導在Facebook開Live，當中姜濤、Edan、Ian和Stanley同框出，相信四人正在開工。講到開播感受，Stanley稱開心與阿聰合作，期間Edan就插嘴說：「李白，劇接劇有咩感覺呀…」Stanley反叫：「你咪嘈啦，你講嘞！」搞笑的Edan即表示很榮幸與Stanley合作，令大家笑聲不絶。
姜濤則說很懷念拍劇的日子，「嗰段日子係我最開心，係最掛住，因返工可以打波，同朋友吹水又學到嘢。」而Ian獲袁導讚演技，更預告Ian為了一個男仔做了很好的事，叫觀眾記得留意劇情。而姜濤最擔心大家看完劇集後，真的以為他很厲害，Stanley抵死說：「劇集播出嚟就知你唔勁啦！」就連袁導都認同說講得很中肯。
