字幕版｜亞視一姐阿儀唔戴口罩 在朗屏邨被追拍 阿儀發脾氣打人起飛腳

網上流傳片段，有朗屏街坊不滿亞視一姐薛影儀唔戴口罩，於是追趕其後拍攝足足3分鐘，期間阿儀發脾氣打人，甚至起飛腳，全程唔理勸喻，只係撳住口罩而非戴好。

拍片人提到「我話過撞到你，我實影你」，暗指阿儀唔戴口罩已經唔係第一次。其實上年8月中，都有人曾經捕獲阿儀拉低口罩搭巴士，有網民回應成日喺街見到阿儀都唔戴口罩出現。