混血型男賀邦（Bronny）及方智弘（Oscar）去年同參與歌唱真人騷《全民造星V》雖早已止步，但近月以組合「OneUp」身份於樂壇「重生」，已先後推出兩首歌曲。由於在節目中「CP感」十足，二人不介意繼續被視為CP，笑言會更有 talking point。
【新聞有價 記者有格 立即訂閱：http://bit.ly/3wGQh7c 】
歌唱真人騷《全民造星》近年育成不少樂壇歌手及組合。賀邦及方智弘因參加《全民造星V》而認識，雖然二人在節目中甚有人氣，但在比賽初段不幸已被淘汰，但獲唱片公司賞識而組成 OneUp。
兩人接受 Channel C 專訪，談到能「重生」闖樂壇的經過，Bronny 指他們參賽時，已有種一拍即合的感覺：「完咗《造星》後，有公司接觸 Oscar 想簽佢做獨立歌手。公司睇完我網上啲片之後話可以搞組合，佢打畀我問我有冇興趣，成件事好自然發生。」他又透露有次與 Oscar於戶外音樂節欣賞演出時，大家感觸落淚：「我嗰時諗會唔會有一日都可以踏上台，喺上面睇返落去。我擰轉頭想同佢講時，我發現佢都流緊眼淚。」此事令他印象十分深刻，亦發現大家有同一個想法，對末來的期望相似。
Bronny的爸爸是英國人，Oscar的媽媽則有葡萄牙及芬蘭血統。兩位混血兒於節目中老友鬼鬼，充滿CP感覺，對此二人均異口同聲表示是一件好事，Bronny 指參賽至今都被外界視為 CP：「CP 係我哋 OneUp 嘅來源，所以絕對唔介意人哋講。」Oscar 亦笑言：「仲好，talking point 多咗。」至於家人對他們加入樂壇可有異議或擔心，Bronny指母親曾於娛樂圈任職，很了解這行運作，但主要只擔心他的心態問題。
經過歌唱選秀節目的洗禮，再一同簽唱片公司加入樂壇。講到在娛樂圈的期望時，Bronny 直言希望可以用 Hiphop 風格，推出屬於自己的 EP；Oscar 則有希望有自己的跳唱歌。問到可會擔心會作創作上出現拗撬，二人均表示以為主，未出現意見衝突，Oscar 說：「我哋分得好開，想做留番自己 solo 時做，OneUp 嘅時候攞番大家嗰中位。即使有啲好想做嘅嘢，都以 OneUp 為先。」
繼之前歌曲《Ten Outta Ten》後，UpOne 近日推出講述分手經歷的新歌《10號碼頭的半對》，Bronny 解釋歌曲以海傍作為歌曲主軸，是與自己入行前的戀愛故事有關：「當時比較低調，唔想去太多人嘅地方。海傍就係一個好好嘅地方，兩個人靜靜地望海傾計就一晚。」雖然這段戀情最後因了解而分開，但因為這段經歷令 Bronny 有很深的感受，成為今次歌曲的主題。
Venue：Mini Central
Hair：Franco Chung@ Leonardo 3 Hair Corner
Make up：hongjai_ makeup
Stylist：Eddy Chu
Hair：Franco Chung@ Leonardo 3 Hair Corner
Make up：hongjai_ makeup
Stylist：Eddy Chu
