姜濤誕｜後援會收警方通知 呼籲小心599G！

姜糖留意！明天（30日）係「姜濤誕」喇，不過冇人想晴天霹靂，有後援會已經收到警方通知會與他們「保持聯絡」，又呼籲大家喺「姜濤灣」（銅鑼灣）派發應援物，要小心留意人群聚集問題，唔好觸犯599G《預防及控制疾病（禁止羣組聚集）規例》！

就算唔係姜糖，都可以搭電車感受下姜糖嘅熱情，因為香港後援聽日請大家搭電車，係首次民間自發舉行嘅免費乘車日！