大劉劉鑾雄在記者會上談及娛樂圈舊愛，又主動澄清過去傳聞。他以「講一個笑話」，形容集團旗下位於尖沙嘴的物業The One的名字，稱名字是由兒子劉鳴煒改，他本人在私人或工作上「任何思想、任何環境下都無諗過『The One』呢個字。」
【新聞有價 記者有格 立即訂閱：https://bit.ly/3wGQh7c】
當年曾有傳大劉在報章頭版刊登「Happy Birthday Michele 20.06.2006」，下款則寫「With Love, The One」來賀舊愛李嘉欣生日，大劉今亦表示，當年有人想「搵老襯」，「成個廣告版隊埋嚟，叫我搵啲秘書去登廣告，我都會照幫手嘅。」
大劉指，部份來自娛樂圈的女朋友很多是非，「好多加鹽加醋」，又稱好多人以為他有很多娛樂圈女朋友，但「其實唔及得其他女朋友1%，唔通逐個逐個樣（展示）咩，有啲60幾歲、有啲70歲。」被問到是否仍有「助養」前度，他說值得贊助、支持就會做，並透露在約2、3年前，曾匯一筆天文數字予53年前的女朋友，但他也強調並非每一個都照顧，「有啲無良心，賤到無倫，娛樂圈有唔少。」
大劉續說，娛樂圈，「鬼同魔就多」，「我可以大膽講，娛樂圈邊個真係人，或者邊個係鬼或者魔，神就無喇！除了歌神。」有記者追問前女友中誰是「人」可公開名字大讚，大劉則指「娛樂圈係絕對無，絕對絕對無」，但圈外則有很多。
記者會上，大劉多次提到最重要是澄清謠言，「谷谷埋埋，乜都有人作，啲人唔抵得我搵到少少錢，多幾個女朋友，就踩你。」
