大劉劉鑾雄被拍攝到與呂麗君同行後，除夕曾發聲明澄清2人並無來往，「燈神」蕭若元其後在YouTube頻道分析大劉發聲明原因，認為是平息大劉太太甘比的妒忌心。大劉今日在記者會上就表示，不會要求蕭若元收回言論或採取法律行動，指對方人在台灣，「樣樣都採取法律行動，即變相益佢」，亦不會叫台灣朋友「探下」佢，但「如果佢再講，會打擊佢喺台灣嗰個網絡平台，令到佢無晒信用。」
【新聞有價 記者有格 立即訂閱：https://bit.ly/3wGQh7c】
蕭若元在片中提到與大劉很熟，大劉則反駁只曾在黃玉郎公司見過蕭一次，從沒有私人見面，但蕭則在片中指2人見面十幾次，大劉斥蕭「噏得就噏」，但理解及情對方，不介意幫助蕭，直指蕭是因為避債走到台灣，兒子蕭定一亦生意失敗破產。
大劉還叫蕭若元不要借他的名字說三道四，「求求你讓我躲開，你有唔掂唔怕幫你，但如果搵食請借用其他人朵，唔好借我名出嚟bull shit，話我有狂躁症，你俾我虐待過嚟？」
蕭若元晚上在其頻道回應事件，他在片中表示「我俾大劉痛斥，俾人痛斥到慣，我有咁多haters！但俾咁有錢嘅人公開鬧咁就少見啲。」對於大劉稱跟他只見過一次面，蕭就指大劉貴人事忙，指2人於1986、87年認識，「有一次我同佢同時睇住政府救市嗰次，用一千億，另外仲有幾次睇住政府沽空救市頂大䲔，大家係坐喺度睇。」
蕭若元又指，他在影片的內容分為facts（事實）與意見，「facts係可以查證，如果我講任何人，你可以send email來指證，我錯咗我一定更正。」若他所指的事實是嚴重錯誤，他會道歉，「關於劉生嘅都係一樣，講邊啲係錯嘅你指正。」
