大劉劉鑾雄今早在銅鑼灣皇室大廈華置辦公室召開記者會，親身回應與前女友呂麗君（現名呂姵霖）復合傳聞。記者會歷時個半鐘，大劉稱自己說話很吃力，表明「唔係憤怒情形下都唔想開」，又表示記者可隨便發問，他會盡量回答，但其間記者只准拍照及錄音，不可錄影及上載錄音，記者電話亦需暫放大劉前方枱頭。
【新聞有價 記者有格 立即訂閱：https://bit.ly/3wGQh7c】
大劉早前在銅鑼灣皇室堡喝罵內一名挨柱休息男子，過程被途人攝錄後在網上廣傳，有人更發現大劉當時與呂麗君同行。大劉直言不會嬲當時拍攝者，「我唔嬲佢，啲人層次係咁」，但「最發火」是影到他和呂麗君一齊，被造謠誤以為他們復合，而且「隔兩日就有網上打手又話『邊個大獲全勝，成家搬返入我屋企』！」他又說，這些網上造謠在8年前已開始。
大劉又提到今次幫呂麗君一事，「我唔係考慮到仔女，一個12歲﹑一個20歲，我決定幫與唔幫，平時我諗嘢0.1秒已可決定，（今次）諗咗足足2分鐘，唔係數目大細問題，......係乜嘢原因，就係我唔想有難堪嘅嘢出現，影響到仔女，希望保留小朋友一點尊嚴。」他直指「有人」在不斷挑戰其底線，希望記者會後會收歛，但可惜的是「有啲（人）天生性格到死一日都唔會改」，故他唯有默默地黯然接受。
被問到呂麗君在其心目中是怎樣，是否好有機心？大劉先拍手，其後回應「如果講，真係講七七四十九日都講唔完，大家要紮營。」他又指記者以「有機心」來形容呂，是「形容得太膚淺啦！」大劉認為，呂某方面好叻，「但其實揾唔到食架嗰啲人，就噏得就噏。」他表示，初時太太陳凱韻（甘比）亦不相信他所指，「我話『老婆，佢（呂麗君）真係好蠢㗎，唔係扮㗎！」而家佢（甘比）真係信佢（呂麗君）好蠢。」大劉又謂，甘比沒有為他與呂麗君復合傳聞而嬲，「點值得啫？佢又知咩事。」
談到呂麗君有何困難，大劉不便多談，「唔係為咗對仔女，我都極度唔想講。」至於仍有否與呂為他所生的一對子女聯絡，大劉沉思了一會後說，8年前發生的事不方便講，以前他們見得很密，8年前發生涉及金錢的事情，「因為錢露出佢九尾孤」，事後呂很少安排仔女與他見面。但現時大劉肯「幫人」後就多了見面，但同時小心保護自己，避免惹人誤會他與呂麗君復合。有財經界消息就指，呂麗君當年在金融市場投資失利，就快破產，故大劉出手相助。
大劉亦提及當晚在皇室堡指罵挨柱男子一事，指該男子阻擋去路，遂叫他「唔該你起身啦！阻住人過。」但對方回答指因為太累，要坐低休息，大劉在記者會上斥男子自私自利，但自己不想與對方有身體接觸，亦不想被撞倒，同時需避免與沒有戴口罩人士接觸，否則自己將「九死一生」；又稱若自己碰到女性或會被指非禮等。
大劉續說，曾做換腎手術，至今仍要服食抗排斥藥，因此雖已接種5針，但抗體只是普通人的4成，屬高危人士。但他指並非怕死，「細個女得4歲，個仔得10歲，個女得14歲，我都望長命多幾年睇佢哋大。」他亦否認並非如外間所指患有狂躁症，但承認有創傷後遺症，因不時有人到其公司敲詐，故不得不小心。
