謝霆鋒將於4月在啟德體育園主場館舉行個唱，主辦單位宣佈加開4月24日一場，下周三下周三（19日）公開發售。霆鋒表示，今次不只是一個演唱會，而是他同大家一齊見證香港啟德場館啟動的歷史性時刻，亦是香港演唱會文化的另一次「進化」。
謝霆鋒自公布2025年再次舉行《Evolution Nic Live謝霆鋒進化演唱會》 後，即引發全城搶飛效應，優先訂購即時秒殺。主辦單位英皇娛樂公佈好消息，霆鋒為大家加開4月24日一場，兩場變3場，票價分HK$1380、$1180、$980及$680 ，每人限買4張。
相隔25年再開個唱，霆鋒亦於社交平台發文表示：「真係好感謝大家嘅支持！雖然隔了20多年再開演唱會，但大家都係咁熱烈，真係好感動可能大家都會諗點解隔了咁多年先再開演唱會，當然有好多考慮因素，合適嘅場地、合適嘅時間先可以呈現我心目中嘅音樂旅程俾歌迷。對我嚟講，今次唔只係一個演唱會，而係我同大家一齊見證香港啟德場館啟動呢個歷史性時刻，亦係香港演唱會文化嘅另一次『進化』。有好多歌迷都擔心搶唔到飛會好失望，我真係有聽到㗎！所以我哋盡力爭取加場！現爭取到4月24號多加一場，往後我會繼續爭取，雖然檔期唔一定能連續加，但我一定會喺將來安排更多場次，盡量滿足大家，希望大家唔洗花嗰啲唔合理嘅價格去買飛。四月見！」
是次霆鋒演唱會，製作上所有配套均為啟德主場館而設，由於是一個全新場地，團隊都面對很多不同的新挑戰，可以形容為香港演唱會制作史上，一個全新的突破，所有基建及舞台，期望可以為香港演出業寫下歷史一刻。由於舞台配套專為香港啟德主場館而設，這也將會是一個香港特定版的制作，其他地方是沒有可能重現同樣效果，意味着霆鋒暫不會開啟巡唱，世界各地歌迷務必要飛來香港參與。
