唐詩詠將於6月首度挑戰舞台劇，原來她苦等這個機會達7年之久。導演甄詠蓓（Olivia）解釋當年與詩詠欣賞舞台劇電影版後，詩詠已感覺震撼，希望能夠演繹這齣劇。Olivia指現時詩詠「大個咗」，可讓她一試。
由甄詠蓓執導，唐詩詠、朱栢謙及RubberBand主音繆浩昌（6號）的《妻迷》（Yerma）將於6月公演3場。Olivia透露與詩詠及的緣分始於7年前：「好有趣嘅緣份，詩詠係我學生，7年前帶佢去睇過一部戲，剛好就是《Yerma》，睇完之後好震撼詩詠，一直斷斷續續問我可唔可以做呢部戲！但詩詠冇做過舞台劇，呢部戲角色太難，直至上年主辦聯繫我，詩詠又大過咗，都覺得係時候可以一齊跳上船試吓。」而因為詩詠沒有舞台劇經驗，所以必須有一個好演員帶領，而年紀、外表、劇場經驗，所以朱栢謙就是導演Olivia不二之選。
苦等多年的詩詠終於等到Olivia肯首開劇，由電視螢光幕到第一次踏上舞台劇舞台，問到壓力可大時，詩詠表示好感恩：「甄詠蓓一直都係我老師，一直有上佢堂，我完全交咗俾佢，因為佢非常之了解我嘅所有嘢，同埋佢永遠都會睇到一啲我自己都唔知道自己嘅特質，所以我覺得我冇我想像中咁大壓力，就係因為有佢嘅存在，第二就係因為佢搵咗個非常之好嘅男演員朱栢謙，仲有6號啦！當我聽到呢個組合嘅時候，我嘅壓力已經卸咗6、7成。」詩詠更直言，有Olivia、朱栢謙及6號在身邊，唯一擔心只有自己體力，排練時發現比想像中的力量要大好多，但同步慶幸自己有練跑兩年，可以以現在狀態去接一個舞台劇。
至於被導演Olivia及詩詠視為演技保證的朱栢謙，對於能夠參與演出感到非常興奮，特別是看過劇本後更加喜歡，他謂知道Olivia做導演，已經非常大興趣：「佢係我一個好敬重，好有能力嘅前輩。睇埋劇本之後覺得唔接唔得，所以決定應承。應承之後再知道女主角係詩詠覺得好開心，可以認識到新嘅朋友。」他又透露排練做前期工作後，更加開心得到詩詠的信任，出現好很多火花。
