呂爵安（Edan）將於本周末舉行首次個人演唱會《EDAN LUI “IN MY SIGHT OF E” SOLO CONCERT 2023》，目前正忙著排練的Edan，仍抽空製作兩首全新歌曲，先後在今明兩日開騷前推出。打頭陣上架的《Again！》更找來《膠戰》好拍檔岑珈其、徐浩昌（肥腸）及黃正宜（阿正）一同拍攝MV，在開騷前先為歌迷送上驚喜與笑彈，不過今次就沒有邀同是《膠戰》的劉沛蘅（Hillary）同魏浚笙（Jeffrey）演出，點解呢？
Edan就解釋指，今次《Again！》MV要拍出瘋狂搞笑Mode，當然要搵合適的演員加盟，而且角色未演就要先令大家發笑，除了「6膠」外都沒有別的人選。而Edan指：「一諗故仔就覺特別啱肥腸、珈其同阿正，Hilary同Jeffrey就唔係好啱角色，所以我同佢哋講，唔好意思，你哋太靚，下次先！」
【新聞有價 記者有格 立即訂閱：https://bit.ly/3wGQh7c】
新歌《Again！》由Edwin作曲，周耀輝填詞，Edward Chan監製，是一首溫暖歌曲，Edan為歌曲解說時稱：「做
人開心唔係咁簡單，但呢個世界好多人都陪住你，好多嘢可以重新嚟過，一齊去努力令到件事變得更加好，所以想用呢首歌帶正能量鼓勵大家，話俾大家知，好多人陪住你哋！」他今次希望借助 《Again！》感染大家，傳達正面思想。
人開心唔係咁簡單，但呢個世界好多人都陪住你，好多嘢可以重新嚟過，一齊去努力令到件事變得更加好，所以想用呢首歌帶正能量鼓勵大家，話俾大家知，好多人陪住你哋！」他今次希望借助 《Again！》感染大家，傳達正面思想。
歌曲雖然看似沉重又帶點深奧，但MV卻以截然不同的風格呈現，務求突出Edan的搞笑形象！Edan指，MV想用一種較輕鬆的方式表達，所以就跟導演說，「不如玩啲搞笑嘢啦，因為一直以來自己MV都冇乜邊隻好搞笑好瘋狂」，所以我好鍾意今次的故事。
Edan坦言，今次能有《膠戰》隊友一同演出特別開心，因為拍《膠戰》以外，甚少有機會跟眾人合作，「（今次）可以一齊玩，所以好正！」而適逢準備演唱會之際，自己更可以「交晒俾佢哋演出」，自言對一眾老友演出好有信心，「咁我就輕鬆啲，今次也是我拍攝時間最短一次嘅MV。」
要拍攝一個瘋狂MV故事，造型上當然不能隨隨便便！Edan今次的造型就扮演精靈，早前他在社交平台分享時已引起一陣「爵屎」（呂爵安Fans稱呼）討論，他亦感激幕後製作團隊為他精心設計造型。他透露：「我角色要守護一個女仔，所以就有精靈Look嘅諗法，呢個妝同造型找《膠戰》好友參與拍攝，大家未演先笑！」
除了自己造型一改過去MV的憂鬱青蔥形象，珈其、肥腸、阿正3人的造型亦相當有驚喜！Edan就同樣將此歸功一眾幕後人員！他指，團隊花好多心思在造型上，「特別一諗起阿正做奸角，就覺得要俾粒墨佢」，結果造型都合襯，形容是「Perfect Match」Edan又指，其實阿正間中出Show都可以試試，「好啱佢Punk Rock形象。」
至於肥腸的造型，Edan就表示「直情突顯佢嘅優點，好吸睛」；而珈其則是髮型上切合他的MK年代。今次是將3人的優點放大，相信眾人都好滿意！
