組合ROVER成軍不足1年,於今晚(1日)叱咤頒獎禮上獲得「生力軍組合銀獎」,4子接受訪問時坦言對得獎感到夢幻。而陳鎮亨(亨仔)於台上打斷卓金樂(Kim)的得獎感言,要請食貴價壽司道歉,兼當作慶祝。
【新聞有價 記者有格 立即訂閱:http://bit.ly/3wGQh7c 】
ViuTV《全民造星V》參賽者陳鎮亨(亨仔)、卓金樂(Kim)、雷濠權(Jason)、王希晉(希晉)去年2月底組成ROVER出道,於今晚《2024年度叱咤樂壇流行榜頒獎典禮》上獲「生力軍組合銀獎」。

4子於後台接受訪問時,對於獲獎感到好夢幻,亨仔解釋說:「因為我覺得由造星到依家上到叱咤舞台所有嘢都係緣份同命運,但呢一個只係我哋嘅開始,人生每個階段必須做好自己嘅嘢,希望用我哋音樂感染更加多嘅人。」
問到會如何慶祝,阿Kim表示會食貴價壽司慶祝、之後開會再寫歌。希晉即表示會請食飯:「頭先阿Kim發表呢個得獎感言時我打斷咗佢,因為我第一次上台好心急好緊張,我要多謝番Edward老師同團隊。」
講到今年工作計劃,陳鎮亨指已有出新歌計劃,他笑說:「好多靈感湧緊落我哋個腦度,所以希望下年可以出更多歌。」