一年一度樂壇盛事，2023年度叱咤樂壇流行榜頒獎典禮昨晚（2日）完滿結束，其中幕後獎項的叱咤樂壇填詞人大獎由Wyman 黃偉文奪得，這已是他第10次獲頒該項殊榮。第10次獲獎，Wyman說對他而言最大感覺並非次數問題，今年最大感覺是覺得填詞人獎「越嚟越難攞」，他解釋指並非因高手林立，新人輩出，所以競爭好大，真正令他覺得難的是感到現時做填詞人「越嚟越唔容易，難在要適應時代嘅變化，一方面要寫到大家需要嘅作品，最重要嘅係要忠於自己，真係好難，真係好難」，但Wyman表現「不過怕難，我就唔做填詞人啦」。
【新聞有價 記者有格 立即訂閱：https://bit.ly/3wGQh7c】
填詞人大獎由吳君如遠飛巴黎，親自交到Wyman手上。Wyman指覺得「呢件事好美麗」，因有一些「返頭客」、「老主顧」再找他填詞，「係一個美麗嘅默契」而令他好開心、與獎項有相同份量的「一個獎賞」，是有十數個從未和他合作過的音樂人，「將佢哋嘅旋律同信任交咗畀我，必須有一啲新嘅化學作用，我先可以將我啲煙花開出一啲新嘅顏色」。
他最後表示，相信好多坐在台下的人都會明白他，「怕難，我哋就唔做廣東歌啦」，所以最後他要多謝的是一班繼續支持廣東歌的人，「佢哋好兼容嘅愛，先畀到新舊嘅香港音樂人繼續做佢哋相信嘅音樂，繼續將廣東歌做到一種傳承，而且將呢種咁獨特嘅藝術形式，帶到去一啲更意想不到，更遠，更遠嘅地方」。
事後，Wyman在社交媒體發文，指因為大會事前提醒，得獎感言最好不要超過3分鐘，因此他有說話不夠時間講。他指自己常相信設立𠮟咤樂壇填詞人大獎的宏觀目的，是提醒大家過去一年，香港仍然有班新舊填詞人，個個都身懷絕技筆筆有力。
因此，他認為「一個人得奬等如一班人得獎」，從意義上，不一定需要特別表揚某個別成員，只是既然有這環節，就總得要有個「幸運兒」出來代表接受獎項 ，「順便趁人齊向公眾賣個告白『喂，仲有班人捱更抵夜好care廣東歌㗎吓』而己」。
Wyman又說自己只是一個「班代表」之類的，為同業上台領一個『表面上喬裝成「個人獎項』的集體榮耀」，認為真樂迷會知道這是一個團隊人一起去做好同一件事。而廣東歌的事，真正要掙而不是爭的，是大家繼續對廣東歌和廣東歌詞的愛。
