軒公張敬軒昨晚（27日）突然在IG開Live，為《2023年度叱咤樂壇流行榜頒獎典禮》的「我最喜愛的男歌手」獎拉票，他在直播中表示，自己入選過16次「我最喜愛男歌手」五強，但只一次獲獎，「講起上嚟好慚愧。」他又說，見到Fans落力為自己拉票，「要我啲fans咁樣拋頭露面，我覺得好內疚」，所以軒公覺得不可以再安坐家中甚麼也不做，甚至乎萬一經過Fans的努力令他獲獎的話，軒公覺得會愧對大家，因此他決定要用心拉票，「我真係冇辦法坐喺屋企坐享其成。」
軒公在直播中又展示了Fans花心機印製的宣傳物品，又大讚他們十分「有心思」，「由於香港係一個多元嘅社會，所以我哋有菲律賓文嘅拉票單張、同埋有印尼文嘅拉票單張。」軒公又承諾，在最後投票階段截止前，會不定時於全港的票站親身落區派傳單拉票。在直播快完結時，有歌迷起哄叫他「落區！」，軒公直言自己「唔大得」，當晚便親身到旺角跟「助選團」派宣傳單張，齊齊為選舉奮鬥。
【新聞有價 記者有格 立即訂閱：https://bit.ly/3wGQh7c】
軒公在直播中表示，以往抱住「佛系」心態參選，但經過疫情，他的Fans、觀眾互動方法與以往「唔同咗好多」，他又指自己都花了一段時間去接受「韓式應援」，因為不想Fans「使錢、頻撲。」
他又分享，有一晚在看IG時，見到fans包下了一架巴士於港九新界巡遊，不論男女、又或是拖兒帶女為他走到街上拉票，「有啲人會好冷漠咁行過，見到呢幕我覺得好心噏。作為一個歌手，明明呢啲應該我自己去做，但要我啲fans咁樣拋頭露面，我覺得好內疚。
至於親身落區派傳單，軒公就笑謂：「希望大家可以當面拒絕我，但最好唔好，因為我覺得跳出咗我中年危機嘅comfort zone，同大家一齊以個運動員精神去參與今次嘅樂壇頒獎禮。」
有歌迷問他live完後會否過去找他們，然後全場起哄「落區！」軒公直言自己「唔大得」，「你真係唔好大我呀我話俾你聽，我個人就最唔鍾意人大我，好！我行路都過嚟！豈有此理！」直播結束後，軒公心疼歌迷在晚上11時多仍在街頭為他落力拉票，於是到旺角跟fans一齊奮鬥。一到旺角軒公已立昂被街坊包圍。他亦不停遊走派傳單，呼籲大家投他一票，場面墟冚。最後軒仔留到近12時才離開。
