古巨基（基仔）以低成本還原22年前《任天堂流淚》MV，更請來海兒及程人富擔任男女主角。基仔特意找回當年的服飾，笑指依然合身，身材變化不大。
古巨基、海兒（Hedy）及程人富拍攝新節目《I really LOVE to Travel》，首站玩爆日本環球影城，由於3人拍的Reels獲網民大讚，所以這次基仔決定再下一城，同時亦是回饋大家，以「low筆（低成本）」拍攝，還原22年前《任天堂流淚》MV，不少網民看完都大讚製作認真兼笑爆嘴。
《任K房流淚》MV由程人富飾演基仔、Hedy飾演當年MV女主角李彩華，除了兩人，基仔亦在MV中穿插，還原當年MV的鏡頭。有網民看完22年前的MV對比，都指基仔完全冇變過，更好奇他食甚麼防腐劑，基仔笑說：「盡量唔瞓覺、食麻辣鍋、燒烤，啤酒一定要啤㗎啦、紅酒啦、威士忌都飲少少，全部加埋就一定可以防腐。」基仔笑指今次MV賣點是「low筆」製作：「我哋其實好多budget，但係我哋想用一個low cost嘅方法去呈現。」
雖然低成本製作，但當中的細節位誠意十足，程人富在MV中的服裝，是由「服裝部同事」基仔提供：「佢身上嘅幾套衫，真係廿幾年前拍《任天堂流淚》MV裏面我着嘅衫嚟嘅，我摷返佢哋出嚟，收藏咗咁耐，原來都冇穿冇爛。」基仔續說：「我頭先都着過一件，都啱身，肥瘦冇乜變，哈哈。所以呢個珍藏，再復刻番喺呢個MV，程人富成個人似晒呀。」
至於首次任MV女主角兼演戲的Hedy指這次非常好玩：「第一次同兩位實力男演員拍攝，的確學咗好多嘢。我仲以為我哋真係要去個郊野公園嗌，low cost先好笑。呢個MV通宵拍咗15個鐘，因為用咗14個鐘笑，哈哈。」
