吳保錡@ERROR之前推出的個人單曲《猥瑣》大獲好評，最近他再與同一班底合作新歌《羅曼蒂克衰亡史》，保錡今次拍MV與女主角繼續有親密鏡頭，但保錡笑指親密程度，遠遠不及與隊友何啟華（Dee）過去於電視節目中的Kiss鏡頭。
【新聞有價 記者有格 立即訂閱：https://bit.ly/3wGQh7c】
新歌今次由舒文監製、黃偉文（Wyman）填詞，保錡說：「做完《猥瑣》後，我同舒老板、花姐搵咗好多Demo，聽咗好多首都唔係好鍾意，後來聽到呢首歌我同花姐都喜歡，就揀咗Larry Wong呢首作品。上次搵咗Wyman寫，好希望佢繼續可以幫我，而佢又肯，所以非常感恩。」
這次保錡在MV中繼續做兵，同時也是一位精神病患者，「我這位精神病人，幻想好多愛情經歷，但全部都係幻想出嚟，最終女方係冇出現過。其實MV都係講緊做一隻兵，你可能會無私奉獻畀你鍾意嘅人，但佢身邊已經有一個佢鍾意嘅人，你永遠只能做佢後備。好多嘢都係我哋呢啲兵自己幻想出嚟，好美好，但都只係虛構。」
講得做兵，當然要有女角，今次保錡親自找來YouTuber 雪瑤參與MV演出，難道想再一次自肥？他說：「上次搵咗Heidi（李靜儀），今次想搵新啲嘅面口，睇下會唔會做到新嘅感覺，想畀人睇到不論MV或唱功都有全新感覺。喺熊仔頭個show見到雪瑤嘅表現、佢嘅樣，我覺得佢適合個MV，就邀請佢返嚟。」
雖說是為粉絲帶來新鮮感，但做得兵，在充滿美感的畫面上都不乏親密鏡頭，MV其中一幕說到保錡幻想與所愛的人咀嘴，想不到親密程度令他變得十分怕醜，表現尷尬。他說：「未試過演呢啲戲，今次係冇kiss，只係扮kiss，不過咁近都有少少緊張。過去我只奉獻過畀阿Dee，我最叻同男人Kiss！同異性係未試過，所以喺鏡頭前咁多人喺度，有少少驚同拘謹。」
除了女主角，今次保錡MV也有隊友肥仔為他加持，拍攝MV當日他特地前來探班，更二話不說幫忙做幕後，在保錡拍攝雨景一幕幫忙噴水壺，不過見肥仔起勢狂噴十分開心，似玩多過幫忙。
