何超儀早前透露老公陳子聰患上「棘手」病，日前她接受Do姐鄭裕玲的網上節目《The Do Show》專訪，罕有地詳談陳子聰原來因大動脈爆裂幾乎送命，在澳洲醫院深切治療部昏迷長達5周的經歷。陳子聰更即場phone in講述自己情況。
【新聞有價 記者有格 立即訂閱：https://bit.ly/3wGQh7c】
何超儀（Josie）接受Do姐訪問表示，去年10月陳子聰獨自返澳洲探親期間，因為幫家人搬屋，用力過度導致大動脈爆裂。Josie指老公幫家人搬屋及雙人床褥之後，覺得盆骨疼痛，幾日後痛至腰部，但沒有求醫。其後當他駕車載親戚往醫院途中，突然非常肚痛，去到醫院陳子聰感到眼前一白，即時暈倒。
何超儀說：「好彩佢同嗲哋一齊，即刻全身check up，6個鐘之後話佢知，佢嘅大動脈爆咗，肚臍以下爆咗，應該一肚都係血。於是佢嗲哋打電話畀我，佢已經開刀。」
Josie立即趕到醫院，陳子聰已經昏迷狀態，她表示醫生以人造膠喉，接駁大動脈，因為手術時非常危急，醫生夾壞了子聰部份尿道。手術完結後，醫生表示4日後需要再開肚做手術，所以用醫療保鮮紙包住子聰腹部。
Josie表示：「搞咗4日後啲器官都係插住晒，小便有血，全部係黑色嘅血，醫生話係身體入面潛藏咗嘅血…佢每日輸十幾包血，幾乎用晒醫院啲血。頭一個禮拜非常危險，醫生話我哋乜都做晒，而家唯有祈禱，佢好大機會活唔到架。」Josie又發現子聰腳趾呈紫色，「一摸埋去好似寒冰床咁，我打畀香港睇開嘅醫生，佢叫我同醫生講睇住（子聰）隻腳，咁會以為糖尿病切咗隻腳架。」
她稱子聰昏迷了約5個星期，由於他依然無法正常小便，超初用儀器放尿發現呈黑血，後來連黑血都放不到，醫生解釋是太多毒素無法排放，於是開了永久性造口讓他排尿，Josie說：「醫生話冇信心駁得埋，要喺兩邊插兩個尿袋，佢可能呢一世要洗腎，嚇到我死，咁永世都返唔到香港喎。」
幸好後來子聰情況轉為穩定，加上物理治療的幫助，才能夠出院回港，但回港後仍需接受物理治療及做手術，才有機會痊癒。
節目尾聲時，陳子聰接受Do姐電話訪問，他說：「我而家好番啲，多謝關心！而家每星期做4次物理治療，做番我本份再去做手術。」Do姐問他有沒有甚麼想跟Josie說，子聰：「Josie喺咁嘅情況下照顧我，我都好感動，佢日日睇住我，同醫生討論點醫我，幫我康復，唔係咁簡單。」Do姐問他有沒有覺得自己很好彩，子聰答：「一定好彩啦，我經歷呢次後更加珍惜人生，好感謝身邊嘅人，你嘅生命係好緊要，有咩唔開心嘢要去應付，經歷過呢啲情況會知道生命係好緊要。」
