有「靚湯」之稱的湯洛雯之前處女下海，拍攝首部電影《忽然心動》，戲中飾演護士的靚湯擁有大批追求者，ERROR成員何啟華（阿Dee）是其中一位，戲中為了向女神求婚，阿Dee扮成卡通狗在醫院內向靚湯唱歌，雖得到馬志威助攻幫忙，可惜仍被靚湯狠狠地拒絕兼撻落地，靚湯變成「暴力湯」，她忍不住笑說：「我都覺得自己好粗暴，但同時又覺得好搞笑，因為拍攝當時係夏天好熱，見到阿Dee着住套衫跑嚟跑去，全身濕晒，呢場戲真係好深刻！」
【新聞有價 記者有格 立即訂閱：https://bit.ly/3wGQh7c】
雖然兩人並不熟落，但靚湯竟不避嫌，笑指全身熱到濕透的阿Dee十足亞馬遜河流、尼加拉瓜大瀑布一樣，流汗流得非常壯觀，阿Dee則笑說這套厚厚造型衫，非常適合去俄羅斯拍外景用。現實中接不接受到有人搞一場「大龍鳳」向自己求婚？靚湯說：「你鐘意嗰個人，無論佢點樣求婚都會開心，不過最好都係低調啲！」
身旁阿Dee即問如果是有樂隊、非常浪漫地拉小提琴又可否接受？靚湯覺得這樣會很辛苦，解釋自己平常外出也不化妝：「如果咁大班人就一定有攝影機，我會第一時間諗攝影機喺邊，無化妝就即刻戴太陽眼鏡，成個focus都唔喺求婚上，我想如果求婚嘅話，最好focus都係得返我哋兩個，唔講咁多貼士喇！」
