昨日（18日）是父親節，在英國生活了一段時間的黃偉文（Wyman）初次公開了爸爸的照片，並透露爸爸曾經住過印度，而且間屋大到有個表演魔術的舞台。Wyman更用他填詞的《單車》，暗串陳奕迅演唱會歌單中，林夕名字「被消失」事件。
【新聞有價 記者有格 立即訂閱：https://bit.ly/3wGQh7c】
黃偉文於父親節，在IG公開了爸爸的秘密，他透露爸爸由細到大都被人話似印度人，但原來真的在印度生活過，Wyman表示同阿爺有關：「因為阿爺走難時去咗印度…好似話當時有大屋大花園好多架車好多家務助理仲特登起咗個舞台比沉迷魔術嘅爺爺表演刀鋸美人盛盛。」雖然曾經有錢又風光，但因為一些原因，一個仙都帶唔走，不過Wyman沒有解釋是甚麼原因。「我出世前屋企已經變返草根階層。總之好長個故仔，今日講住咁多先哈哈。」
Wyman又自嘲：「Anyway，我個樣係完全唔似我老豆嘅，否則可能一早喺Bollywood（印度荷里活）紅透半邊天。」然後Wyman以他為陳奕迅填詞的《單車》抽水：「到時就可以帶住爸爸衣錦還新德里（印度首都），唔使好似而家咁，只得一首《單車》。遲啲如果個作者名比（俾）人改咗就冇埋添」。日前陳奕迅原定年尾舉行的廣州演唱會歌單流出，但林夕填詞的歌卻全部改成其他填詞人名稱，而Wyman填詞的沒被更改，其中一首就是《單車》。
