英皇女團VIVA成員姜咏鑫（Ada）於新一集真人騷節目被曱甴嚇到花容失色，雖然Ada用滾水曱甴淥死，但原來一向由馬思惠（Macy）出手將昆蟲「處死」，獲封「昆蟲殺手」。
VIVA的《VIVA Medium Rare House》播出最新一集，4女今集終於迎來最大的挑戰。入住初期的一晚，Ada突然於廚房大叫兼嚇到面容扭曲，坐在飯廳正在溫書的張鈊貽（ValC）淡淡然問到：「曱甴，係咪？」Ada說：「好大隻呀！」曱甴於鋅盤旁邊晾碗位置，VALC走進廚房後跟Ada都不敢靠近，VALC更大叫：「馬思惠你喺邊呀？」兩人瑟縮於廚房一角，Ada表示一定要殺死牠，VALC謂：「你又驚我又驚，點殺呀……」幸好當時Ada正在煲水。水滾後，Ada鼓起勇氣將曱甴淥死，最後由VALC處理「屍體」。
原來「小強」並非第一次出沒，進4人搬去第一日已經有一隻很小的曱甴出現，當時由無畏無懼、有「昆蟲殺手」之稱的Macy負責處理，Macy說：「我驚㗎！不過佢唔識飛我就好啲，同埋平時啲昆蟲都係我搞掂。」另一隊友李晞彤（Carina）原來早前亦發現有曱甴：「有一隻喺沖涼嗰個位，嘩！（我）處變不驚呀，即刻攞起紙巾拍落去！只要唔係老鼠，昆蟲類嘅嘢我其實真係唔係好驚。」
Ada其後將廚房的碗碟重新清洗一次，剛回家的Carina亦幫忙洗碗。兩人洗碗其其間，Ada「不經意」問到：「你噚晚係咪喺梳化上面食嘢呀？你係咪食齋燒鵝吖？」二人沉默一會，Carina忍笑問：「你又知嘅？你點解會知嘅？我整到好污糟咩？」二人隨即爆笑，Ada大笑道：「我今日就喺兩條唔同嘅罅位執到兩粒碎咗嘅齋燒鵝，哈哈。」
宿舍內出現數次曱甴橫行，節目組問：「係咪因為你哋污糟呀？」VIVA不認，認為應該是她們掉垃圾的門有個縫，加上已沒有用的舊抽油煙機排氣管未有封口，所以曱甴才有機可乘，最後四人將門縫、抽油煙機排氣管及屋內所有的渠口位都封好。
除此之外，4女亦首次正式下煮，每人負責一個菜式，Ada炮製雞煲、Carina煮上湯娃娃菜、Macy蒸肉餅、VALC則負責蕃茄炒蛋。期間，Carina及VALC「請外援」，跟家裏的外傭姐姐邊視像邊煮；Ada則手起刀落，表現有板有眼；Macy一鼓作氣將處理好的肉餅一併放進氣炸喎。不過開餐時，當夾起肉餅時，內裏仍然是生豬肉，Macy即大叫：「我可唔可以回爐重做呀？太厚啦……」十分搞笑。
