獨立歌手Tyson Yoshi（程浚彥）去年8月在九展舉行4場演唱會《My New World Order》，歌迷反應熱烈，Tyson早前曾打算7月移師亞博再度開騷，售票事宜亦準備就緒，不過他日前在IG開直播時突然宣佈取消演出。他稱考慮過後，認為今次內容跟上次或者分別不大，為免有消費觀眾之嫌，故決定取消，Tyson Yoshi更把台灣天王周杰倫擺上枱，譏諷周董明明無新意都照樣開騷。
【新聞有價 記者有格 立即訂閱：https://bit.ly/3wGQh7c】
Tyson Yoshi一向敢言，有話直說，他日前在IG Live中表明去年首次開騷後，無論是歌迷或自己都想再添食，跟團隊商量後，考慮今年7月在亞洲國際博覽館再開演唱會，不過他最後又決定不會於今年再搞：「如果7月開騷，而家已經2月，唔通中間要出歌？歌單只比上次多2、3首歌，表演上係無乜分別，所以唔想為搞而搞。」
他又語帶激動及夾雜粗口，用周杰倫做例子，表示：「對上一次經驗，係睇（周杰倫）『地表最強』（演唱會），跟住又有『地表最強2』，我Ｘ，2同1係完全冇分別，我幾鍾意都好，都係Ｘ咗一聲出嚟！」
他因為不想令歌迷出現如自己看周杰倫的感覺，故決定取消7月演唱會，等有再多新歌和製作意念才舉行。對於Tyson暫延演出，有歌迷表示支持，但也有人覺得失望。至於周董將於5月來港舉行《嘉年華》演唱會，未知作為歌迷的Tyson，可會再捧場?
