由阿SA（蔡卓妍）同阿嬌（鍾欣潼）組成的TWINS，本月舉行的《TWINS SPIRIT 2024》昨晚已來到第5晚，剛巧是阿嬌農曆生日，有歌迷就扮成禮物大叫祝她生日快樂，引得阿嬌笑著說「嘩，你唔係送你俾我呀？我唔要得唔得呀？我唔知擺係邊呀.....我唔識點養你....」引得全場狂笑，阿SA笑完後就叫全場萬人大合唱生日歌祝賀阿嬌，氣氛歡樂。
兩人然後準備唱《相愛22年》，唱之前阿SA感慨指「神奇嘅地方係，我地細個咩都唔識，由也也烏好開心開始，之後感受到好多人情冷暖， 開始自己識思考， 慢慢有幾年，真係好似笑少咗， 但係好慶幸，我哋真係好努力到走過咗呢啲階段。」阿嬌亦說：「終於嚟到呢度啦.....」阿SA就表示「係呀！恭喜你呀！」兩人隨後走向對方想互相擁抱，不過她們可能太激動太開心，攬攬時竟撞向對方臉上，兩人即時大笑，令本來感動哭泣中的歌迷也破涕狂笑。
【新聞有價 記者有格 立即訂閱：https://bit.ly/3wGQh7c】
擁抱前，阿SA說「22 年前真係想像不到，呢個係我哋嘅將來.....」阿嬌和應指「 第一個演唱會後，都唔知重有冇得再開.....」阿SA又說： 「咁多年，有好多人可能會話，TWINS好好彩，其實我哋條路一啲都唔平坦，一開始係好純綷嘅快樂，過咗幾年，就開始唔係好識笑。」阿嬌回話，「 我重難啲，我記得一開始，Mani 不停叫我笑呀笑呀，我真係好辛苦....到慢慢開始，好多人支持我，覺得被人重視啦，我先識笑容多咗，同你一齊又開心，打開咗自己 。」
擁抱後，阿嬌笑著說，「終於等到今日啦！哈哈哈！」阿SA: 「係呀，終於去到今日啦，終於可以鐘意笑就笑，喊就喊，享受人生，呢個工作，自己想做，呢個唔好做！」嬌: 「係呀，有選擇權！終於到呢個 moment， 實在太感恩啦！」
兩人並向歌迷道謝，:「當然有一個元素係好重要，就係你哋！如果唔係你哋呢 22 年，一路係我哋背後支撐我哋，我哋真係唔會行咁多， 多謝你哋咁多年來嘅包容，多謝你地嘅愛。」此時， 阿SA更是感動到開始咽哽，喊住話，「多謝你哋所有人， 係我地最唔好時侯嘅鼓勵，好緊要真係.....以下落來這隻歌，唔係剩係講緊我同嬌，係講緊我同你哋嘅關係，相愛22年。」起歌之後，兩人也是喊著唱，阿嬌更哭到缺堤，淚流滿面， 而阿SA則眨著淚，不停強忍淚水，免得唱不下去。」現場不少歌迷都跟著他們大合唱，並且邊唱邊落淚。
適逢阿嬌生日，阿SA就特別讓觀眾點歌，多唱一首，現場投票選出是《士多啤梨蘋果橙》，兩人搞笑地要問現場觀眾借電話睇歌詞，想不到阿SA借來的手機，在她唱了兩句後響起，她情急大叫，「哎也，你Daddy 打俾你，死啦，點算....」而阿嬌就安慰她，「唔好亂，唱埋先」笑爆全場。
