TVB老將李國麟原來今年4月已經北上工作，一直都冇返過香港。近期佢除咗周圍登台之外，仲玩埋直播帶貨！不過銷情就好似未如理想，開足8個鐘頭都賣唔到幾件貨，仲俾網民估佢係咪連二百蚊人仔都賺唔到，叫佢做「最慘帶貨明星」！
聽講李國麟早幾日（9日）開咗8個鐘頭live，雖然有千幾個觀眾，十次上架，不過就冇人落單買貨。（慘慘豬，眼都紅晒?）網民都要留言話，「我睡了一覺國師還在波（播）真不容易，5過（個）小時了」！
不過又難怪佢咁落力北上搵錢嘅，仲記得早排佢喺微博表忠，話「沒有國家和民族的強大就沒有娛樂圈的繁榮和百花齊放」，仲話「愛國不是嘴巴空談，更不是逢場作戲，愛國應該從心而發」，希望有日佢嘅愛國情懷會有回報啦??
