由兩大超高顏值混血型男賀邦（Bronny）與方智弘（Oscar）組成的新晉男子組合OneUp，近日於推出的新歌繼續化身冧歌王子，今次Oscar於MV中更大派「福利」，Oscar還首度在鏡頭前半裸出浴，大騷六舊腹肌，勁吸眼球。
【新聞有價 記者有格 立即訂閱：http://bit.ly/3wGQh7c 】
OneUp新歌《10號碼頭的半對》講述Bronny與Oscar兩段淒美的愛情故事，第二首派台歌MV，今次內容及故事性「力度」提升，還邀請了柿柿與Santis擔任MV女主角，期間Bronny與Oscar要分別跟她們拍攝親密鏡頭，令Bronny、Oscar大呼尷尬，Bronny說：「多謝公司安排，對於入戲係好有幫助，我哋今次各有故事，我就同杮杮，Oscar同Santis，我哋各自有自己女主角，但一開始，喺溝通上都有啲尷尬，唔敢講嘢，之後熱咗身就OK啲，到埋位就冇咗包袱。」Oscar就表示：「第一次同女主角拍情侶橋段嘅戲，未試過咁近距離接觸，真係怕醜。」
不過今次MV另一亮點，絕對是Oscar首度在鏡頭前半裸出浴、濕身騷肌，而拍攝出浴戲前，Oscar坦言十分緊張，又狂做掌上壓谷肌：「都幾緊張！雖然對自己身材有信心，但始終有好多人睇住，一隊Crew都十幾個人望住我，真係好尷尬，好彩入到浴室，狀態轉換咗啲，成件事先冇咁尷尬。」至於被問到拍出浴鏡頭還是跟女主角親密戲尷尬？Oscar就表示：「我會形容同女主角開頭拍嗰一兩幕係最尷尬，最大尷尬係未熟對方，唔知佢性格係點，又未傾過偈，一嚟差不多面貼面，幸好之後傾過偈熟絡了，成件事先冇咁尷尬。」
