陳慧琳（Kelly）已養尊處優一段時間，不過近日已正式復工出席公開活動，雖然已踏入50歲，不過Kelly外貌、身材和狀態依然fit到爆。最近Kelly獲《One Love Festival新加坡2022》邀請參與昨晚的活動，為了有最佳的演出，她和舞者團隊提早飛到當地綵排，至昨晚正式演出，Kelly帶來由好拍檔雷頌德（Mark）重新編曲的《花花宇宙Glorious 80's》一曲出場，即引來全場過萬人的尖叫聲，把現場氣氛推至最高峰。Kelly跟在場觀眾打招呼後，再一口氣唱出《都是你的錯》、《三秒鐘》、《Love Paradise》、《對你太在乎》、《北極雪》、《記事本》等多首經典歌曲，原來她亦已多年未有到訪新加坡，她直言：「由喺機場fans接機，有fans問我認唔認得自己，見到佢哋咁多年嚟依然一直支持自己，真係感動又開心，希望之後會再有多啲機會同大家表演！」
【新聞有價 記者有格 立即訂閱：https://bit.ly/3wGQh7c】
而Kelly每次在造型上都會落足心機，今次其主題以「型」為主，先以漆皮反光tube dress登場，之後再換上紅白的運動造型配巨型太陽眼鏡，跟舞蹈員以串燒勁歌熱舞作結。
對於今次超額完成「撻著引擎」之演出，Kelly笑說：「今次演出除咗回味金曲，亦想俾畀啲新鮮感大家，所以有啲歌係重新編曲，見觀眾喺台下睇得開心就非常之好。」雖然演出時一直下雨，但亦無礙觀眾及歌迷的熱情，Kelly更跟在場過萬觀眾大合唱，氣氛一流，難怪她心情也是無比興奮。
