Music From Home丨許廷鏗 X 吳林峰首度合作開騷

許廷鏗（Alfred）與吳林峰將於11月18日假灣仔會展舉行《Music From Home 許廷鏗 X 吳林峰音樂會》，而岑寧兒則會擔任嘉賓。

【新聞有價 記者有格 立即訂閱：https://bit.ly/3wGQh7c】
Alfred與吳林峰雖然不同時期出道，但幾年前因為音樂而相遇，最終由網友變成今次同台開騷的兄弟，吳林峰重提當年得知Alfred在某次直播提到自己，興奮得膽粗粗在IG私訊對方：「我當時真係好開心，即刻私訊Alfred多謝佢，佢仲讚我唱歌好聽，就咁樣我哋開始傾偈，當時我好迷惘，佢畀咗好多鼓勵同方向我。」

Alfred則表示，首次在網上看到吳林峰街頭Busking的片段，彷彿看到初出道的自己：「我對佢嘅表演好有印象，諗起啱啱入行嘅我，好自由自在，想唱咩就唱咩，唔使有任何商業考量。」Alfred續謂，他覺得跟吳林峰相處好自在舒服，好像一家人，希望將這種家人的感覺延伸給觀眾，令大家入場睇今次音樂會都有家的感覺。