女團VIVA於新一集真人騷大玩「Truth or Dare」，馬思惠（Macy）大膽整蠱霍汶希（Mani），指自己喜歡了公司中英文名A字頭的男藝人。當被問到對方是否曾合作拍攝電影的楊天宇（Angus）時，Macy竟說：「唔可以話有，亦唔可以話冇。」
馬思惠（Macy）、李晞彤（Carina）、張鈊貽（VAlC）及姜咏鑫（Ada）的VIVA於今集真人騷節目《VIVA Medium Rare House》，終於可以坐下來「把酒談心」，邊飲酒邊玩「Truth or Dare」遊戲。
其中一次Macy選了Dare，眾人商議後決定要Macy整蠱Mani，發訊息跟她說自己喜歡了公司中英文名A字頭的男藝人，看看Mani有甚麼反應。Macy裝出一副無奈的表情說：「想我退團都唔係用呢種方式㗎嘛！」訊息發出後，Ada、Carina及VALC均猜Mani會問是否楊天宇，因為兩人之前合作拍攝電影《裡應外合》，問到Macy有否喜歡Angus，不知是否「飲大咗」，Macy竟說：「呢個問題好難答呀，唔可以話有，亦唔可以話冇。」三人露出驚訝表情，並大笑說：「咁咪即係有囉！呢個仲爆過我哋整蠱Mani喎！佢自爆咗喎，完全冇expect過佢會咁講喎！」
Mani隨後回覆問是黎展峯（Andy）或是楊天宇（Angus）？Carina回覆：「希望你唔好嬲我。」隨後她們繼續玩遊戲時，又收到Mani回覆：「唔緊要，最緊要工作還工作，拍拖還拍拖。」四人頓時尖叫並說：「其實公司真係好好、好開明。」最後決定跟Mani視像，解釋正在玩「Truth or Dare」遊戲。Mani笑指見到4人有零食又有酒：「我聽日搬架跑步機上嚟俾你哋，你哋食嘢就要做運動啦，唔好諗住冬天喪食。」4女即裝作聽不到Mani說話」，然後又表示「收唔到」收線，認真大膽。
VALC其後亦選擇Dare，於是致電同公司的黃明德（Dark），指有成員對他「有少少感覺」。Dark聞言即「吓」一聲問：「你喺邊度聽番嚟？我個心跳得好快喎……咁癲？」3女即時掩嘴爆笑，VALC追問：「咁你估吓係邊個？」Dark口窒窒地說：「A（da）囉……」但VALC未開個估便即刻cut線，3人即拍手大笑，VALC續說：「等我下次見到佢先同佢講。」
