MIRROR用行動回應鏡粉們嘅訴求喇，MIRROR今日公佈7月紅館演唱會《MIRROR.WE.ARE LIVE CONCERT 2022》官方歌迷會門票網上抽籤結果外，亦宣佈喺8月5日及6日加開2場MIRO特別場，同埋經城市售票網公開發售12場門票（包括MIRO特別場嘅部份門票），將以實名制形式發售，有關售票詳情及開售日期稍後再公佈。
【新聞有價 記者有格 立即訂閱：https://bit.ly/3wGQh7c】
MIRROR小編話，感謝大家陪伴MIRROR走到今日，知道鏡粉們為咗支持MIRROR，左撲右撲買飛好辛苦，「縱使面對重重困難，我哋都一定盡力做，希望更多鏡粉可以嚟支持MIRROR！！」
琴日宣佈8月喺九展開演唱會嘅Tyson Yoshi，都預告門票以實名制賣飛，今日到MIRROR公佈，雖然都未知係咪一定買到，但都記得唔好幫襯黃牛呀！
而喺MIRROR公佈消息之後，康文署亦表示一直積極回應市民打擊門票炒賣訴求，致力與業界商討，現時城市售票網票務系統可支援實名制，加上業界自願參與，全面配合，將首次喺有關演唱會試行實名制。民政事務署理局長陳積志相信，實名制可減低門票炒賣及高價代購等行為，保障公眾利益，確保樂迷有公平機會購票。
