MIRROR演唱會指定信用卡客戶今日朝早10點可以優先預訂，不過9點，網頁已經入唔到。
facebook群組「我老婆嫁左比Mirror導致婚姻破裂關注組」唔少鏡粉同前夫就分享戰況，亦有人圍爐訴苦，「14部機無一個入到」、「入到去得6分鐘…$1280售罄…$880揀任何日子數量都出紅字，話有其他人買緊唔放畀你撳…time’s up pens down…彈你走…再排過喇你…」、「只知今晚多區前夫死得好慘！瞓街瞓玻璃碎不特止！請各位真香港人保持愛心,關懷及分D食物給呢D瞓街前夫！！」亦有網民將MIRROR歌曲《Reflection》改詞，搞笑話「我撐撐撐撐過了一朝 就無謂在叫 Bye bye bye bye bye bye bye」。
另有唔少人喺Citibank信用卡fb專頁「Citi Hong Kong」留言鬧爆，質疑只係想多啲人申請信用卡，又勸信用卡公司唔使印實體卡，相信好多人會cut卡。
