MIRROR演唱會意外發生近2個月，受重傷的舞蹈員李啟言（阿Mo）仍留醫；另一受傷舞蹈員張梓峯（阿峯）雖已出院休養，但情况仍反覆，他日前與一眾舞蹈員戰友，與阿Mo家人及其女友SoChing見面。
【新聞有價 記者有格 立即訂閱：https://bit.ly/3wGQh7c】
阿峯今在ig上載與阿Mo爸爸李盛林牧師的合照，憶述見到阿Mo爸爸一刻，心情很複雜：「我覺得自己因為當時無能力再救Mo多一步而充滿內疚，同時望住佢哋屋企人同蘇晴（SoChing）心力交瘁嘅樣而覺得心痛...我好想同佢講一聲『對唔住，我當時救唔到阿Mo...』」阿峯直言，他們仍等候一個真相。
帖文中，阿峯亦提到自己仍未走出陰影，因為每當他起身、吃飯及看醫生，好像一個正常人的時候，都會突然想起仍留醫的阿Mo：「然之後當晚所有嘅場景，就會喺我眼前面重新再發生一次」，他每次都要閉起雙眼垂低頭，調整呼吸，才可以「令到依個畫面暫時停低」，反問自己是否可以當沒事發生，並如常生活，他更提到「最近喺我書包發現阿Mo個演唱會pass...我見到個一刻個心好難受，感覺好空洞，好似隔咗好耐咁，但係一瞇埋眼又好似琴日發生嘅事。」
阿峯又說，當遇到熟人問候他時，都會感到無形壓力，「因為每次有人一問候我，我就諗起出事當晚嘅所有場面.....最近，每一日嘅治療，身體嘅痛楚令我睡眠質素同精神都好差，處理日常生活嘅嘢都未處理到，但係我會繼續努力，好快會親身交代返我自己嘅情況。」他最後亦希望阿Mo振作，「我哋都好掛住你，好想陪住你！！！」
