MIRROR四子姜濤、陳卓賢（Ian）、呂爵安（Edan）及邱士縉（Stanley），今日一同到九龍灣的籃球場，出席ViuTV新劇《季前賽》的宣傳活動，而這次亦是紅館墮屏事故後，他們首次現身面對面接受傳媒訪問，四人亦沒有任何迴避，逐一回答傳媒問題，他們亦口徑一致；希望有關方面盡快公布調查結果，讓大家知道事件的真相。
【新聞有價 記者有格 立即訂閱：https://bit.ly/3wGQh7c】
問到有否到醫院探望受重傷的舞蹈員李啟言（Mo），Stanley表示有問過公司，但因醫院不能一次過讓太多人探訪，加上Mo目前仍未方便見大家，因此他們一直也是經公司了解及得知Mo的情況。有否見過Mo的父親？Stanley也表示未有，但知道公司有跟對方一直保持聯絡，以便給予協助。是否希望公布調查結果？Edan謂：「都希望快啲知道件事嘅來龍去脈，畀晒大家知，大家都等緊。一直有問公司調查幾時有，對上一次答都係話就快有。 」
墮屏發生時，Edan正在台上演出，他坦言：「當晚每一個表演者及觀眾，腦海都有嘢發生咗，自己用咗一啲時間去消化及反思，每位兄弟復原嘅情況都唔一樣，所以要兩個月時間，而最大反思係有自己力量就去幫多啲嘅人。」Stanley曾在社交網留言似暗示要看心理醫生，他謂：「依家冇睇醫生，初時公司擔心，有安排心理醫生顧問去檢查，情緒係有，但醫生話正常反應，當然依家未係100%好返，畀時間move forward。」
Ian原定接拍電影《拼命三郎》，但因心理狀態未回復而辭演，對此他表示：「咁大個決定係喺8月時做，當時電影公司明白，改話10月再拍，但當刻唔想拖住大家進度，當下嘅我未完全知10月係咪可以投入，所以決定。」Ian亦坦言現在心情仍未完全平伏。至於姜濤跟家人去法國及英國旅行後，心情會否稍為放鬆？他表示的確有好轉，因出道以來難得可以跟家人相處一段較長時間，趁機和他們傾訴心事，不過卻沒有跟家人多談演唱會事件。會否對舞台有陰影？Edan表示因為目前未有機會上舞台演出，故也不知道，但他相信事件後令大家也更注重安全。
事件後除了得到「鏡粉」的支持外，但亦有不少網民向MIRROR、甚至是Mo及其女朋友So Ching作出攻擊言論，姜濤聞言謂：「希望大家唔好有太多攻擊嘢發生，明白大家可能有好多嘢想講，但呢段期間想畀多啲包容及力量畀dancer及So Ching，佢哋嘅感受大家係理解唔到，大家係同一條船，係可以一齊行落去。如果唔鍾意嘅可以唔睇，呢段時間我哋真係需要大家嘅支持。」Edan亦直言：「有時網上嘅comment都會比較冷血， 有可能唔鍾意我哋而有難聽嘅說話，我哋會習慣，有時會唔睇，好似姜濤咁講，香港人有時比較harsh同mean少少，呢個世界係需要多啲嘅愛，未必每人承受能力可以受到， 幾隻字幾句話可能對人影響好大，希望大家將心比心。」至於近日跟袁澧林傳拍拖，Edan否認，指兩人只是好朋友。
提到華納唱片花200萬為歌手買大型廣告催谷，但MIRROR近日出新歌《WE ARE ALL》卻要鏡粉出錢買廣告宣傳，對此Edan坦言感謝fans的支持及痛錫，但同時否認公司沒有投放資源為他們宣傳，Stanley表示：「公司覺我哋唔夠好，畀資源我哋去學嘢，想我哋實力好啲。fans想我哋紅嘅心仲強過我哋，好多謝佢哋。」至於，MIRROR演唱會於事故後叫停，不少歌迷都選擇保留門票，期待明年可以補辦，問他們可有信心明年開騷？Edan表示未收到任何消息，但他相信要等所有情況穩定，以及知道事件的真相才會再安排，最後姜濤謂：「所以希望政府理解我哋心情，每人都想知真相，等需要負責嘅人負責。」
提到華納唱片花200萬為歌手買大型廣告催谷，但MIRROR近日出新歌《WE ARE ALL》卻要鏡粉出錢買廣告宣傳，對此Edan坦言感謝fans的支持及痛錫，但同時否認公司沒有投放資源為他們宣傳，Stanley表示：「公司覺我哋唔夠好，畀資源我哋去學嘢，想我哋實力好啲。fans想我哋紅嘅心仲強過我哋，好多謝佢哋。」至於，MIRROR演唱會於事故後叫停，不少歌迷都選擇保留門票，期待明年可以補辦，問他們可有信心明年開騷？Edan表示未收到任何消息，但他相信要等所有情況穩定，以及知道事件的真相才會再安排，最後姜濤謂：「所以希望政府理解我哋心情，每人都想知真相，等需要負責嘅人負責。」
