原定8月6日播出的《膠戰SSP》因MIRROR演唱會舞台意外，最後抽起不播。隨着10月MIRROR休團期結束，今日ViuTV發出新聞稿，宣布《膠戰 SSP》——《膠戰盛夏祭！爭奪高級浴衣大作戰！》定於10月8日晚上9時半播出，6位膠人將會大玩特玩夏日遊戲，爭奪最終着高級浴衣的資格。
【新聞有價 記者有格 立即訂閱：https://bit.ly/3wGQh7c】
6位「膠人」包括MIRROR的呂爵安（Edan）、魏浚笙（Jeffrey）、岑珈其、劉沛蘅（Hillary）、黃正宜（阿正）及徐浩昌 (肥腸），節目中其中一個遊戲名為「死都唔眼閉」，6位膠人需要坐過山車的時候，擘大雙眼望向前面的鏡頭，瞪開眼睛時間較長的參賽者則勝出遊戲。其中珈其未玩先驚，多次企圖臨陣退縮，但當然被隊員捉回來。Edan則不斷露出經典「驚青」樣，不停喪叫，阿正玩之前更緊張得想大便，場面攪笑。
而在另一個遊戲「答咗嘢 試吓唔好撞」，6位膠人需根據題目而寫出答案，如果答案與其他人不相同便可得到一分，相反答案一樣就冇分。期間Edan被其他膠人爆料，踢爆他拍攝節目前跟眾人去宿營，但Edan如廁後塞爆廁所，珈其形容成個廁所塞滿紙巾，最後肥腸竟然徒手通渠，獲其他膠人力讚。
6位膠人要合共玩4個遊戲，每個遊戲的勝出者都可以得到扭蛋機會，而扭蛋機裏面有不同的貼紙，膠人集齊一套 4款浴衣；包括浴衣、扇、腰帶和木屐的貼紙，就為之勝出，可以著上高級浴衣及站在C位拍攝終極大合照，其他失敗者就會着上普通浴衣，兼要化上醜妝出現。這張終極大合照更會於10月9日至13日期間，登陸尖沙咀九龍公園巴士站的燈箱，歡迎各位膠粉前往「打卡」留念。
