MIRROR紅館演唱會發生墮屏事故後，12位成員即停工兩個月後已經復工，繼團歌《WE ALL ARE》後，今日成員李駿傑（Jeremy）推出第3首派台歌《阿波羅》，也是舞台事故後首位推出單曲的成員，這次Jeremy首次與吳林峰一同作曲，一於我手寫我心，將情感放在歌曲上。
【新聞有價 記者有格 立即訂閱：https://bit.ly/3wGQh7c】
Jeremy經歷過《半》了解自己不同面向，以及《九》選擇過後的後果，今次新歌《阿波羅》大談經歷過後的成長，他表示：「第3首歌想Keep住前兩首歌所講嘅光明與黑暗嘅對立，腦內突然想到光明之神阿波羅，然後睇資料就發現，原來光明之神都做過啲好黑暗、好殘忍嘅事情，但最後都因為佢做過嘅事情，而經歷過好多唔同事情，令佢多咗唔同嘅營養，知道自己點樣成為光明之神。呢個故事啟發咗我寫呢首歌。」
構思歌曲初期，Jeremy已經想到要由自己寫歌，但有感自己寫歌未夠班，所以找來好友吳林峰幫手，結果二人在互相配合、磨合下完成了創作，Jeremy說：「好感謝吳林峰幫手，佢都話用咗差不多一個月去作呢首歌。佢都係為呢首歌好，用咗好多精力，去到而家可以畀大家聽，我內心都好感謝佢。」其實促成今次Jeremy首次處男創作，還多得王雙駿（Carl），Jeremy說：「同Carl叔講想作歌時，佢都好支持我，所以當有Carl叔允許後，就更加有信心去做《阿波羅》。」
至於《阿波羅》的MV，本來跟歌曲同日推出，不過Jeremy將本來已計劃好的拍攝方案推倒重來，因此MV將稍後才面世，Jeremy說：「我想呈現更加好嘅畫面畀大家見到，所以就突然改變咗方向，需要更加多嘅時間做前期準備功夫，希望大家都可以繼續期待。我都好想同大家一齊見證一個更加符合呢首歌嘅MV，希望MV出街嗰日可以Surprise到大家啦！」
此外，MIRROR另一成員柳應廷（Jer）亦開始籌備新歌當中，昨日在IG分享一張錄音室的新相，相信很快就到Jer有新作面世，加上電影《阿媽有咗第二個》將與姜濤、毛姐（毛舜筠）進行謝票活動，令柳柳粉及姜糖們超期待。
