華納唱片12個歌手樂隊單位將參與明年2月舉行的演唱會，包括「華納三寶」MC張天賦、陳蕾、洪嘉豪等。MC張天賦表示如要找女伴跳唱，會邀請陳蕾組成「PC」 組合。
一班華納歌手包括MC張天賦、陳蕾、洪嘉豪、張蔓姿、湯令山、歸綽嶢、Dear Jane、moon tang、Zpecial等，日前為明年2月15日於香港亞洲國際博覽館的《WARNER! GO! 演唱會》拍攝海報，大家為另一位歌手指定造型影返個搞笑版海報，趣怪造型令人驚喜，歌手們碰面亦傾不停，氣氛非常熱鬧！
今次演唱會不同單位歌手Cross Over演出，將個人特色掃出新火花帶出新感覺。MC張天賦表示最緊要令這次音樂會「好睇」他謂與多同公司嘅歌手都合作過，但最想同湯令山合作：「因為佢有好多天馬行空嘅創意，如果成真嘅話會好正，但如果超支就真係要加場先搞得掂。有人問如果呢個騷要跳唱嘅話，我係好需要一個女伴，所以我好誠意邀請陳蕾同我一齊嘅，我哋叫『PC』組！」陳蕾就謂公司多創作歌手，但只得moon tang同歸綽嶢學過跳唱。
洪嘉豪揚言取代Howie，練好結他「加入」Dear Jane：「我代替咗佢之後，佢梗係負責唱《黑玻璃》啦！但我係完全唔識結他嘅，我點會比大家估到表演啲咩！其實舊時Dear Jane成日會同同事合唱，但唔知點解我等咗咁耐都等唔到『呢支曲』，佢哋快手整出嚟玩吓先啦！」而Dear Jane主音Tim笑言計劃將後台搬上前台，讓大家看到最真實的一面：「可能淨係『吹水』已經覺得好搞笑。我地好多歌手都會玩樂器，等呢個歌單整理好之後，再慢慢加啲創意！」
