張天賦（MC）及洪嘉豪（Kaho）這對好兄弟昨晚在九展開始一連三場「Kaho x MC Frenemy Live 2022 演唱會」，開場前已有不少兩人的粉絲在場外搵位「打卡」，而兩人今次亦在演唱會作出新嘗試，就是有多個跳舞位。開場時兩人唱了《觸電》及《二損一》，Kaho笑道：「嘩，收貨啦？呢個開場！係咪值回票價先？」MC則表示： 「噚晚綵排都冇咁喘，真心有觀眾喺度，真係喘啲！不過我覺得自己都好似幾有跳舞天份？係咪？」觀眾即大叫 :「係呀！好正！」
【新聞有價 記者有格 立即訂閱：https://bit.ly/3wGQh7c】
接着兩人台上投擲骰仔，MC笑說，「剛剛唱完兩隻歌，依家二選一！睇下邊個獨唱先！我哋用『殘酷骰仔』決定邊個唱先！經過昨晚採排發現，跳完兩隻舞再即唱Solo，其實好辛苦，所以其實我哋大家都唔想做唱先嗰個。」
之後Kaho獨唱《主角光環》、《24/7戀人》及《半天空檔》後，MC一口氣唱了《Good Time》、《時侯不早》及《老派約會之必要》，兩人亦各自帶來新歌送給歌迷，MC唱了《乾》，Kaho則唱了新歌《還原淚》，然後合唱了陳奕迅的《最佳捐友》，MC叫歌迷珍惜友情親情，不要失去才後悔。
來到演唱會最後部份，MC在一輪勁歌熱舞後，笑着說：「最衰排舞時冇拍making of，否則真係應該畀大家睇吓當時Kaho個樣，最初排舞，佢不停投訴........」Kaho亦自認有黑面，MC場言幾乎被他影響到自己發脾氣。Kaho稱：「其實我哋真係好畀心機，呢次唔係叫『郁』，真係叫跳...」MC更說自己為演出減了最少4kg，但觀眾大叫他「除衫！」他又立即拒絕。
原文取自《田木集作》
