吳家忻（Kayan）、ANSONBEAN、林千渟、凌文龍和岑珈其最近合作拍攝原創劇《她和她的戀愛小動作》，劇中Kayan飾演經常調教男友ANSONBEAN的野蠻女友，不但刁蠻潑辣，更有公主病，Kayan則自認與角色相似：「相似嘅位唔係我有公主病，而係一樣直接、有啲不修邊幅同埋有啲麻甩。」
【新聞有價 記者有格 立即訂閱：https://bit.ly/3wGQh7c】
Kayan又大讚ANSONBEAN認真，指對方拍攝時絕對是搵命博，每次都會交足100%，經常都會弄傷自己。至於ANSONBEAN是劇集的搞笑擔當，他也自認愈演愈放開：「我最深刻嘅場面係開辣椒醬樽，因為我嗌到好大聲，拍完嗰場戲之後，我嘅角色開始走搞笑路線。」
而林千渟在劇中慘被花心男狠撇，講到和凌文龍及岑珈其合作，她說：「小龍係一位非常有經驗嘅演員，所以同佢合作，我好信任同放鬆；珈其本身好搞笑，我最難忘嘅一場戲就係同佢喺北角食炸大腸，佢好幽默、大家產生好多火花，所以特別開心。」
