《全民造星IV》總決賽結束後，雖然只知冠亞季軍嘅Marf、Gao同Day直入女團，其餘人選明年1月先公佈。但未出道就有好多「蘇蝦」嘅Ivy So，近日已有唔少廣告，最新一個係同Marf、Alice拍嘅YSL唇膏廣告。佢今日喺ig出post介紹話「真係Sooooo Sweet呀? 甜甜果香浪漫滿溢，咁少女心嘅唇膏令我難以抵擋?～」不過Channel絲同旁白師就覺得幾甜都唔夠Ivy So甜，而且甜得嚟又帶點cool，真係要講句「Ivy sooooo sweet！」
蘇媽仲提大家1月3日留意佢哋帶畀大家嘅甜蜜盛典，搞到蘇蝦們都好期待係咪有活動，仲話「唔用唇膏都想買呀」、已留言問定蘇媽用咩色，有人甚至話「想做支唇膏」！
【《造星IV》決賽收視高收】
咁啱三台收視報告出爐，又講下《造星IV》總決賽收視。聖誕節播出嘅總決賽收視錄得7.7點，比之前平均約5點左右較高；至於TVB同時段播放嘅《男神廚房開業喇！》同《拳王》大結局，則分別錄得13.2點同12.5點。
咁啱三台收視報告出爐，又講下《造星IV》總決賽收視。聖誕節播出嘅總決賽收視錄得7.7點，比之前平均約5點左右較高；至於TVB同時段播放嘅《男神廚房開業喇！》同《拳王》大結局，則分別錄得13.2點同12.5點。
