姜皓文、宣萱、張慧儀及ERROR（梁業、何啟華、郭嘉駿、吳保錡）合演新劇《極度俏郎君》將由今晚（4月17日）起播出，劇集講述一名過氣江湖大佬重回正軌做好人的故事。當中這個江湖大佬角色由姜皓文（黑仔）飾演，原來他和宣萱及張慧儀三人私下相識多年，今次才是首次正式合作拍電視劇，所以均十分期待在劇中互相「鬥戲」。
【新聞有價 記者有格 立即訂閱：https://bit.ly/3wGQh7c】
提到ERROR，宣萱大爆四子是她接拍的其中一個原因，「因為睇他們節目覺得好有活力、好開心，帶到好多歡樂俾大家。希望可以俾到新嘢出嚟，跟他們合作都有少少驚自己招架不住，因為他們轉數快，我忍笑能力又低。」
而姜皓文就指對住ERROR「獲益良多」，從中學識年青人的諗法：「跟他們合作開心都嚟唔切啦！我唔使教佢哋，睇住佢哋就學到嘢！」今次四子亦是首度合體拍劇，四人都表示感覺新鮮：「之前雖然試過同劇，但其實冇同場遇過，只是一齊做過電影茄喱啡，所以今次都好新鮮！」
四人被問到聚在一起，有否被其他演員投訴好嘈，Dee笑指大家決定「做自己」：「我發現只要專心做自己、Keep住咁嘈，其他人就唔會理我地，所以為免影響其他人，我地要繼續嘈！」
今晚和明晚兩集，主要講姜皓文飾演一疤，經過二十年監獄洗禮，終於出獄，即被當今最大社團「冧巴」話事人七姐（張慧儀 飾）帶同得力助手MBA（周祉君飾）出現，另外「金家」二當家大肥之子細肥（梁業 飾）、Thinking（何啟華 飾）、姑爺（郭嘉駿 飾）、古龍（吳保錡 飾）自稱 「四大金光」亦會出場，希望邀一疤重振「金家」聲威。至於宣萱演一疤二十年前的舊愛文女，則要到第三集才出場。
